“Zhamanak” Armenian-American Political Daily
English

Ռազմական ինքնաթիռներ Ստեփանակերտի օդային տարածքո՞վ

12:29 Yerevan | 8:29 GMT | Thursday 20 November

Տավուշի մարզի Այգեձոր գյուղի մերձակայքում երեկ տեղի է ունեցել Հայաստանի եւ Ադրբեջանի զինված ուժերի շփման գծի դիտարկում: Մոտ 10 րոպե տեւած դիտարկման ժամանակ հրադադարի ռեժիմի խախտում չի արձանագրվել: Հայաստանյան եւ ադրբեջանական կողմերից դիտարկումը անցկացրել են երկու երկրների զինված ուժերի ներկայացուցիչները` ԵԱՀԿ-ի գործող նախագահի անձնական ներկայացուցիչ Անջեյ Կասպրչիկի դաշտային օգնականների մասնակցությամբ:

Մինչդեռ երեկ PanARMENIAN.Net գործակալությանը Ստեփանակերտից հաղորդել են, որ քաղաքի վրայով երկու ռազմական ինքնաթիռներ են անցել, ինչը խուճապ է առաջացրել ժողովրդի մոտ. մարդիկ կարծել են, թե դրանք ադրբեջանական ինքնաթիռներ են: Սակայն ԼՂՀ պաշտպանության նախարարության տեղեկատվության եւ քարոզչության գծով ղեկավար, փոխգնդապետ Սենոր Հասրաթյանը վստահեցրել է, որ Ստեփանակերտով ոչ մի ռազմական ինքնաթիռ չի անցել. «Դա բացահայտ սուտ է եւ ապատեղեկատվություն: Ոչ մի ինքնաթիռ, առավել եւս՝ ադրբեջանական, Ստեփանակերտի օդային տարածքով չի անցել», - ընդգծել է Հասրաթյանը:

Լրահոս
Արխիվ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.