Ռեժիմի ներսում միացել է ինքնաոչնչացման ռեժիմը

12:49 Yerevan | 8:49 GMT | Thursday 3 July 2008

(Սա բառախաղ չէ: Պարզապես` փաստ է: ) Մինչդեռ ինքնապահպանմանը կարող էր միանալ: Բայց, դե, էդ էլ է խելքի հաշիվ...

Ի դեպ` այդ ինքնաոչնչացման ռեժիմը միացել է ինքնաբերաբար: Դա իրենք չէ, որ միացրել են: Բայց, ի ցավ իրենց, իրենք չեն էլ կարող անջատել: Ինքն իրեն պետք է անջատվի: Բայց դե, գիտեք չէ՞, դրանք երբ են անջատվում. երբ կատարում են իրենց գործը: Այսինքն` ոչնչացնում են այն, ինչի ոչնչացման համար որ միացել են: Այն կարող է անջատվել միայն այն դեպքում, երբ իշխանություններն այնքան խելք կունենան, որ իրենք կմիացնեն ինքնապահպանման ռեժիմը: Ու եթե այն ավելի զորեղ լինի` կարգելակի ինքնաոչնչացման այդ ռեժիմն ու կսկսի ինքնապահպանման իր գործառույթի իրականացումը:

Սակայն ինքնապահպանման մեխանիզմը կարող են միացնել ոչ միայն խելք ունենալու դեպքում, այլեւ ակնհայտ իրողություններ ընդունելու պարագայում:

Զորօրինակ.

Որ էս երկրում զոհ չի լինում, եթե չեն կրակում իշխանությունները կամ նրանց հովանավորյալները:

Որ էս երկրում ծեծ-ջարդ-անկարգություն չի լինում, եթե դրանք չեն կազմակերպում նույն այդ իշխանությունները եւ, դարձյալ, նրանց հովանավորյալները:

Որ էս երկրում որեւէ ժողովրդանպաստ բան լինել չի կարող, քանի դեռ իշխանական աթոռներին նստած են նրանք, ովքեր նստած են այժմ: Նրանցից միայն փարիսեցիություն (չշփոթել` փարիզեցիության հետ) կարելի է սպասել եւ ստանալ:

Որ էս երկրի ժողովրդի ճնշող մեծամասնությունը ատում է օրվա իշխանություններ կոչվածին:

Որ` չնայած վերջին պնդումը փոխադարձ է, միեւնույն է` իրենք են տեղի տալու, քանզի ասված է` «Ձայն բազմաց` ձայն Աստծո»:

Որ էս երկրում ժողովուրդը պետք է հնարավորություն ստանա իշխանություն ձեւավորել: Իր իշխանությունը:

Որ` եթե աշխարհում 21-րդ դարն է, Հայաստանում չի կարող միջնադար լինել` իր թաթար-մոնղոլական տարատեսակ դրսեւորումներով:

Որ...

Մնացածը թողնում եմ ձեզ: Ոչ միայն լրացնելու, այլեւ` իշխանություններին բացատրել-հասկացնելու համար:

Էս իշխանությունների վիճակը արդեն լուրջ եւ խորը մտահոգության տեղիք է տալիս: Որովհետեւ մառազմը հասել է նրան, որ արդեն խուժանին են ժողովրդի դեմ օգտագործում:

...Թեկուզեւ մարմրող կրակի մեջ ձեռքը մտցնելը, ելնելով մարդկության հազարամյակների դառը փորձից, պետք է որ տեղյակ լինեն, որ կրակը չէ, որ հանգցնում է, այլ` ձեռքն է վառում:

Ցանկացած կրակի դեպքում:

Ցանկացած ձեռքի:

Ցանկացած պահի:

հինգշաբթի, 20 դեկտեմբեր 2008

Ռեժիմի ներսում միացել է ինքնաոչնչացման ռեժիմը

12:49 Yerevan | 8:49 GMT | Thursday 3 July 2008

Որոնում

Արխիվ

Վերլուծական

Որտեղի՞ց են ծանոթ նրանց դեմքերը

Քաղաքական

Վարչապետը սպառնալիք է ստեղծել լրագրողի համար

Աշխարհ

Գլոբալիզացիան շարունակվում է