Ըստ Janes-ի` շարունակական մարտահրավերներ

11:27 Yerevan | 7:27 GMT | Friday 16 May 2008

Էմմա Գաբրիելյան

Janes հեղինակավոր հետազոտական կենտրոնի փորձագետները, ովքեր պարբերաբար զեկույցներ են հրապարակում աշխարհի տարբեր երկրներում առկա հակամարտությունների վերաբերյալ, վերլուծելով իրավիճակը Հայաստանում եւ Ադրբեջանում, նաեւ արտաքին գործոնների ազդեցությունը, եկել են այն եզրակացության, որ ղարաբաղյան հակամարտության թեժացման ռիսկերն աճում են:

«Հայաստանի եւ Ադրբեջանի ներքին իրադրությունը եւ արտաքին գործոնները, ազդելով Լեռնային Ղարաբաղի սառեցված հակամարտության վրա, սկսել են մեծացնել ռազմական գործողությունների վերսկսման ռիսկերը: Ստեղծվել է մի իրավիճակ, երբ այդքան բարձր գնահատվող կայունությունը վերածվում է լճացման` զարգացմանը նպաստելու փոխարեն», - նշվել է Janes-ի զեկույցում եւ որպես դրա վկայություն է բերվել մարտի 4-ին հայ-ադրբեջանական զինված ուժերի շփման գոտում արձանագրված զինադադարի խախտումը:

Հակամարտության վերսկսման ռիսկերի մեծացմանը նպաստող ներքին գործոնների թվում վերլուծաբանները մատնանշել են թե Հայաստանում եւ թե Ադրբեջանում գոյություն ունեցող կառավարման` «կիսաավտորիտար» համակարգերը: Գալով Հայաստանում նախագահական ընտրություններին հաջորդած իրադարձություններին` Janes-ի փորձագետները փաստել են. «Բանակի ազդեցությունը նոր նախագահին թույլ կտա վերահսկել իրավիճակը երկրում, սակայն ետընտրական բողոքի ակցիաների ճնշմանը հաջորդած տարաձայնությունների խորացումը հայաստանյան հասարակության ներսում շարունակական մարտահրավեր կհանդիսանա Սարգսյանի համար»: Ըստ Janes-ի վերլուծաբանների` ղարաբաղյան հիմնախնդրի կարգավորման վրա կազդեն նաեւ Ադրբեջանում հոկտեմբերին նախատեսված նախագահական ընտրությունները. «Թեեւ այս ընտրությունները դժվար թե ավելի ժողովրդավարական լինեն, քան նախորդները, բայց հասարակության ըմբոստացման ռիսկը ցածր է: Հասարակության մեջ վաղուց հիասթափություն կա ընտրական գործընթացի նկատմամբ»: Janes-ի փորձագետների դիտարկումների համաձայն` ԼՂ հակամարտության վերսկսման քաղաքական հիմնական ռիսկերից մեկը այն է, որ ուշադրություն շեղելու նպատակով եւ Հայաստանի, եւ Ադրբեջանի իշխանությունները զարկ են տալու ազգային գաղափարների քարոզչությանն ու ռազմատենչ հռետորաբանությանը: Քննարկելով երեք սցենար` ԼՂ կարգավիճակի հարցի լուծումը, ստատուս քվոյի պահպանումը եւ Հայաստանի կողմից ԼՂ անկախության ճանաչումը, Janes-ի փորձագետները առավել հավանական են համարել դրանցից երկրորդը: Փորձագետները պարզաբանել են. «Եթե ստատուս քվոյի պահպանումը ավելի փոքր ռիսկեր է պարունակում կարճաժամկետ հեռանկարի համար, այդ ռազմավարությունը պոտենցիալ բարձր ռիսկեր է պարունակում ապագայի համար` նպաստելով սպառազինությունների մրցավազքին, արգելակելով տնտեսական եւ քաղաքական բարեփոխումները եւ խոչընդոտելով ինտեգրումը եվրոպական եւ եվրատլանտյան կառույցներին»:

շաբաթ, 4 հուլիս 2009

Ըստ Janes-ի` շարունակական մարտահրավերներ

11:27 Yerevan | 7:27 GMT | Friday 16 May 2008

Էմմա Գաբրիելյան

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Քաղաքական

Լեգիտիմությունն է գտնում տիրոջը

Աշխարհ

Մերձավոր Արեւելքը` շարժման մեջ