Այդքան էլ ապուշ...

12:04 Yerevan | 8:04 GMT | Thursday 15 May 2008

Մարինա Բաղդագյուլյան

Ապրիլի 12-ին Համաժողովրդական Շարժման կենտրոնը, ըստ սահմանված կարգի, ուղարկել էր հանրահավաք անցկացնելու մասին հերթական դիմումը` իրազեկելով մայիսի 23-ին եւ 24-ին Ազատության հրապարակում կազմակերպվելիք հանրահավաքի մասին:

Մարտի 1-ից հետո քաղաքապետարանը 27 անգամ մերժել է Համաժողովրդական Շարժման` Ազատության հրապարակում հանրահավաքներ անցկացնելու մասին իրազեկող դիմումները: Մերժել է շինծու պատճառաբանություններով: Երեկվա` 28-րդ դիմումի հետ կապված պահանջների քաղաքապետարանի մերժումը ոչ թե շինծու էր, մերժելու ձեւը` ակնհայտ լպիրշ, այլ` ապ-ուշ: Եվ ամեն ինչն էր ապ-ուշ, այսինքն` ապուշադիր, որովհետեւ չէին նկատում եւ չէին լսում քաղաքապետարանի դիմաց հավաքված ժողովրդի պահանջները` «Օրենք, իրավունք` պահանջում ենք», «Միտինգներ, ցույցեր, երթեր` պահանջում ենք», «Ժողովրդավարությանը խաբել չի կարելի», «Ազատություն Ազատության հրապարակին», «Ոչ ստրկամտությանը, ոչ որսապաշտությանը», «Կատարեք ԵԽԽՎ-ի պահանջները», «Մի պղծեք ժողովրդավարությունը», «Երվանդ Զախարյան, հանդիպում»:

«Սա Համաժողովրդական Շարժման ակցիաներից մեկն է, եւ պահանջում ենք առաջին` ապահովել ապրիլի 12-ին ներկայացրած իրազեկման քննարկմանը մեր ներկայացուցչի ներկայությունը, երկրորդ` կատարել ԵԽԽՎ պահանջները, որով պահանջվում է ժողովրդավարության նորմերի` թույլատրելիության սահմաններում ժողովների, հանրահավաքների, երթերի անցկացման ապահովումը, երրորդ` ի գիտություն ընդունել մեր դիմումները մայիսի 23-ին եւ 24-ին Ազատության հրապարակում հանրահավաք անցկացնելու վերաբերյալ», - ասաց Համաժողովրդական Շարժման անդամ Նորայր Նորիկյանը:

Իսկ «Հանրապետություն» կուսակցության քաղխորհրդի անդամ, Համաժողովրդական Շարժման ակտիվիստ Արտակ Զեյնալյանը ավելացրեց. «Այս բողոքի ակցիան, պահանջը ուղղված է նրան, որ քաղաքապետարանը իրազեկումների քննարկումները պատշաճ ձեւով մեզ ծանուցի եւ տեղյակ պահի իրազեկումների քննարկումների օրվա, տեղի, ժամի մասին եւ դրանց մասնակիցների վերաբերյալ: Որպեսզի մեր իրազեկումներն ընդունվեն ի գիտություն, որովհետեւ դրանց մերժումները կամայական են, նաեւ` խտրական: Իսկ թե մենք ինչ կանենք` կորոշենք ինքներս, քանի որ մենք իրավունք ունենք դիմելու խաղաղ ցույցեր, երթեր անելու մեր իրավունքի պաշտպանությանը»:

Ի դեպ, քաղաքապետարանում հենց այդ ժամին Երվանդ Զախարյանի եւ ԵԱՀԿ ներկայացուցիչների միջեւ կամ սովորական խորհրդակցություն էր կամ` հանդիպման ոչ այնքան հաճելի ժամեր, երբ մի կողմը փորձում էր հասկանալ, թե ինչու՞ 90 օրով հետաձգվեց «Երեւան քաղաքի կառավարման մասին» օրենքի քննարկումը, որի դրույթներից է քաղաքապետի` այլեւս ընտրովի եւ ոչ նշանակովի մարմին լինելը, իսկ մյուս կողմը պետք է պատասխանի կամ` տակից դուրս գա: Բացի այդ, «տակից դուրս գալու» մի առիթ էլ կար. ԵԱՀԿ ներկայացուցիչները, լսելով շենքի մոտ հավաքված ժողովրդի պահանջները, դուրս կնայեին պատուհանից ու, անկասկած, կհարցնեին Ե.Զախարյանին. «Ի՞նչ են ուզում այս մարդիկ»: Ի~նչ անհարմար դրություն. ի՞նչ պիտի պատասխաներ նշանակովի քաղաքապետը, որի քաղաքի բնակիչներն այնքան պահանջկոտ են, անհնազանդ... Լավ է, գոնե, «Ազատություն» բառը միջազգային «liberti»-ի հետ հնչյունական ընդհանրություն չունի, թե չէ ի՞նչ պիտի ասեր քաղաքապետը, ինչու՞ են այդ մարդիկ շարունակում այդքան հաճախ եւ այդքան կրքով վանկարկել այդ բառը: Մի խոսքով, ծանր էր մայրաքաղաքի նշանակովի քաղաքապետի վիճակը, չնայած նա զով սենյակում էր, ուզած ժամանակ կարող էր ջուր ըմպել, արեւի ճառագայթները, ոչ էլ ոստիկանները բնավ չէին անհանգստացնում նրան:

Ժողովուրդը կանգնած էր արեւի տակ, ոստիկաններն էլ` նրանց հետ: «Կես ժամից ավել է, ինչ քննարկում են մեր պահանջը: Փորձում են արհեստականորեն ձգձգել, որ մենք հիասթափվենք գնանք»..., - Նորայր Նորիկյանը խոսքը դեռ չվերջացրած` ժողովուրդը հավաստիացրեց, որ մնալու է մինչեւ վերջ. «Պայքար, պայքար, մինչեւ վերջ»... Անցան մի քանի կես ժամեր: Մոտեցան երկու գնդապետներ եւ փոխանցեցին, որ ժողովրդի պահանջը չի կարող բավարարվել, քանի որ քաղաքապետարանի` երթերի եւ հանրահավաքների իրազեկման լիազոր ներկայացուցչի կնոջը վիրահատել են... Շատ ապ-ուշադիր են. ոչ ժողովրդի պահանջն են հասկանում, ոչ իմաստը...

երկուշաբթի, 8 սեպտեմբեր 2008

Այդքան էլ ապուշ...

12:04 Yerevan | 8:04 GMT | Thursday 15 May 2008

Մարինա Բաղդագյուլյան

Որոնում

Արխիվ

Վերլուծական

Մտավորականություն կոչվածը` բարոյալքման գործոն

Քաղաքական

Հերթական անակնկալը

Աշխարհ

Եվ դարձյալ հայ-թուրքական թեմայով