«Հըմի էլ ինձ քընընի...»

13:20 Yerevan | 9:20 GMT | Tuesday 13 May 2008

Հայաստանում գործող կառավարությունը բուռն եւ շինիչ գործունեություն է ծավալել: Բայց ոնց որ թե` էնքան էլ ոչ շինիչ ուղղությամբ: Փաստորեն` բուռն գործունեության պատրանք է ստեղծում: Ի շարս` այլ պատրանքների: Փոխանակ Հայաստանի շարքային քաղաքացուն պաշտպանի, ենթադրենք` գների թանկացումից, արտարժույթի էնքան էլ չհիմնավորված արժեզրկումից, սակագների բարձրացումից, պաշտպանում է միայն իր նշանակած չինովնիկի շահերը:

Էն էլ ումի՞ց: Մամուլից: Վերադառնում ենք սովետական լճացման էն «երանելի» ժամանակներին, երբ քննադատություն, դիտողություն կամ էլ որեւէ այլ այդ կարգի բան արվում էր.

ա) Եթե ներքեւներին էր վերաբերում` շրջկոմ-քաղկոմի ցուցումով:

բ) Եթե շրջկոմ-քաղկոմին էր վերաբերում` Կենտկոմի ցուցումով:

գ) Եթե Կենտկոմին էր վերաբերում` ԽՄԿԿ Կենտկոմի ցուցումով:

Նույն սկզբունքներին է, ըստ էության, փորձում անցնել ՀՀ-ում գործող կառավարությունը. ցուցում կտա-փաստերն ինքը կտրամադրի-կգրեն-ծառայողական քննություն կանցկացնի` կգտնի, որ, միանշանակ, ճիշտ են-մամուլին կխրախուսի-թիրախին` կազատի աշխատանքից-բոլորը գոհ կլինեն` իրենք մաքուր. «Մենք ինչ անենք` էդ անտեր մամուլը չգրեր` հո չէինք հանի: Դուք եք մեղավոր` ինչի եք իզուր տեղը շուն հաչացնում համ ձեզ վրա, համ մեզ վրա»` մի բան էլ մուննաթ կգան հանվողի վրա: Սա էլ մտքում ինչ ասես կասի, բայց դե դուխը չի ների ավել-պակասը բարձրաձայն ասել: «Ինչ անեմ, ցավդ տանեմ, բա ես կուզեի... էդ անտեր շները... չեն էլ սատկում` մարդ դինջանա: Այ ես դրանց մարդ ասողի...», - բարձրաձայն մենակ էսքանը կասի, որ էն մնացածն էլ հանկարծ չկորցնի...

Մնացած բոլոր դեպքերում էլ` իր չուզած, մամուլին «սխալ կհանի»:

Իդիլլիա...

Էսպիսի մամուլ է երազում իշխանությունն, ամենայն հավանականությամբ: Բայց, մինչ այդ...

Ծառայողական քննությունը լավ բան է: Եվ կարծում եմ, որ ստորեւ բերվող լուրը եւս ծառայողական լուրջ քննության կարիք ունի. «Սերժ Սարգսյանը ընտրվել է Հայաստանի Հանրապետության նախագահ»:

Առաջարկում եմ մանրակրկիտ ծառայողական քննություն անցկացնել եւ նախորդի պես նույն հրապարակայնությամբ ազգիս տեղյակ պահել արդյունքների մասին: Հուսով եմ` ոչ մեկին ռենտգենի տանելու կարիք չի զգացվի: Սա էլ է լուր` մեր մեջ ասած` ոչ նվազ սադրիչ: Եվ արժե ստուգել եւ ճշգրտորեն բացահայտել նաեւ սրա բուն էությունը: Եվ, որ ամենակարեւորն է` համապատասխանությունն իրականությանը:

Խնդրում ենք գնահատել, որ չենք ասում` ընտրություններն անցել են բաց-թափանցիկ-արդար: Առանց կեղծիքների ու բռնարարքների: Չենք ասում հոկտեմբերի 27: Մարտի 1: Մթության քողի տակ: Չենք ասում: Ասում ենք էն, ինչ ասում ենք:

Եթե ենթակայի պատիվը պահում եք, շեֆինը պետք է պահեք ու պահեք...

Ժդյոմս:

երկուշաբթի, 8 սեպտեմբեր 2008

«Հըմի էլ ինձ քընընի...»

13:20 Yerevan | 9:20 GMT | Tuesday 13 May 2008

Որոնում

Արխիվ

Վերլուծական

Մտավորականություն կոչվածը` բարոյալքման գործոն

Քաղաքական

Հերթական անակնկալը

Աշխարհ

Եվ դարձյալ հայ-թուրքական թեմայով