Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Դատական օրվա քրոնիկոն

13:21 Yerevan | 9:21 GMT | Friday 9 May 2008

Գագիկ Աբգարյան

Շաբաթվա, ամսվա մյուս օրերի նման, երեկվա օրը եւս հարուստ էր դատական լսումներով: Քրեական վերաքննիչ դատարանում պետք է կայանար Հուսիկ Բաղդասարյանի գործի լսումը, սակայն նիստը չկայացավ փաստաբանի` Վարդան Զուռնաչյանի բացակայության պատճառով: Գործի քննությունը նշանակված է մայիսի 13-ին, ժամը 12-ին:

Նույն դատարանը երեկ քննեց Գագիկ Ջհանգիրյանի փաստաբանների բերած վերաքննիչ բողոքն` ընդդեմ ընդհանուր իրավասության դատարանի կողմից նրա կալանքի ժամկետի երկարացման: Վերաքննիչը որոշումը չփոխեց, թողեց նույնը: «Կայացվել է ակնհայտ ապօրինի որոշում, եւ մենք չենք էլ զարմանում, որովհետեւ նույն դատավորը` Գրիշա Մելիք-Սարգսյանը, ժամանակին քննել էր նաեւ Գագիկ Ջհանգիրյանի նկատմամբ կալանքը որպես խափանման միջոց ընտրելու որոշման օրինականության մասին մեր բողոքը, եւ այդ դեպքում էլ որոշումն անաչառ ու անկողմնակալ չի եղել: Այս հիմքով մենք նրան ինքնաբացարկի միջնորդություն ներկայացրեցինք, բայց չբավարարվեց: Մենք որոշումը բողոքարկելու ենք վճռաբեկ դատարանում` հնարավորություն տալով Հայաստանի Հանրապետությանը լուծում տալու այս խնդրին, որպեսզի եվրոպական դատարան դիմելու անհրաժեշտություն չլինի», - ասաց Գ.Ջհանգիրյանի փաստաբան Լուսինե Սահակյանը:

Երեւանի Կենտրոն եւ Նորք-Մարաշ ընդհանուր իրավասության դատարանում հետաձգվեց հաջորդ քաղբանտարկյալի` Հովհաննես Ղազարյանի դատը. մեղադրող կողմի չներկայանալու պատճառով:

Արամ Կարապետյանի պաշտպանը միջնորդություն է ներկայացրել կալանքը գրավով փոխարինելու հարցով, որը պետք է երեկ քննվեր: Բայց քանի որ մայիսի 14-ին լրանում է նրա նկատմամբ նոր միջնորդություն ներկայացնելու օրը, փաստաբանը տակտիկական նկատառումներով նիստը հետաձգելու միջնորդություն բերեց դատարան. «Մենք ուզում ենք հասկանալ` նախաքննության մարմինը կալանքը որպես խափանման միջոց երկարացնելու միջնորդություն ներկայացնելու՞ է, թե՞ ոչ», - ասաց Կարապետյանի շահերի պաշտպան Հարություն Բաղդասարյանը:

Որոնում

Արխիվ

Վերլուծական

Սնանկ իշխանություններ, դատարկ պնակներ...

Ինչպես ասում են` քեֆ անողի քեֆը չի պակասի, իսկ պնակալեզների համար էլ` պնակը: Կամ` ինչպես ի տարբերություն հին հռոմեացիների...

Քաղաքական

Արժանապատվորեն

...Ահա այսպես: Եվ յուրաքանչյուրը նաեւ պատիվ է համարում իր համար սա:

Աշխարհ

Մեղադրանք

Այսօր Հայաստանի հասարակական-քաղաքական կյանքում փորձ է արվում արդարացնել իշխանությունների կողմից բռնության...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.