1-ը գրել ենք, 9-ը` պահել մտքում: Վայ թե` իզուր: Ինչպես միշտ

13:35 Yerevan | 9:35 GMT | Thursday 8 May 2008

Երկիր+պահել=երկրապահ: Այսինքն` երկիրը պահող: Անկախ, փաստորեն, նաեւ երկրի վիճակից: Մեծ հաշվով` անգամ մեր էս ունեցածը:

Երկրապահը` երկրապահ է: Անկախ հագուկապից: Կամուֆլյաժից-բանից: Որը, մեր մեջ ասած, իսկի էլ պարտադիր չի:

Երկրապահը Վազգենի շիրիմի վրա երակ կտրող-տարբեր երդումներ տվող-անհասցե հոխորտացող, հետո էլ` հասկանալի չէ, թե ուր ընդհտկվողը չի...

Երկրապահը` երկիր պահողն է: Անգամ` մերի նմանը: Կամ էլ սրանից առաջ եղածը:

Տիգրան Մեծը` երկրապահ էր: Բայց` երկրապահ չթողեց իրենից հետո: Դպրոց:

Խորենացին` երկրապահ է: Որովհետեւ երկիրը երկիր սարքելու առաջին մտահոգներից է եղել: Ու խոտոր ընթացքի առաջին բարձրաձայնողը: Ում, ցավոք, մինչ օրս էլ, պարզապես, կրկնում ենք:

Նարեկացին` երկրապահ է: Որովհետեւ բոլորս մեր ողջ կյանքով գնում ենք դեպի նա: Իսկ ով չի գնում դեպի Նարեկացին` չի գնում եւ ոչ մի տեղ:

Կոմիտասը` երկրապահ է: Թումանյանն էլ: Չարենցն էլ: Հրանտ Մաթեւոսյանը: Ռաֆայել Ղազարյանը:

Լեւոնը: Վանոն: Վազգենը:

Օհան Դուրյանն էլ:

Որովհետեւ ոչ միայն երկիր պահելու, այլեւ երկիրը երկիր դարձնելու մտահոգությունն ունեն իրենց մեջ: Ու իրենց երկրապահությունը խոսք չի` գործ է:

Որը տոն չէ, այլ` ամենօրյա աշխատանք: Որը ոչ սկսվում, ոչ էլ ավարտվում է տոնի օրը:

Էսօրվա իրական երկրապահների գործն ավելի դժվար է: Նախ պետք է երկիր ստեղծել` հետո այն պահելու հեռանկարով ու առաքելությամբ:

Ու էլի. երկրապահը նա է, ով երբեք չի զորակոչվում ու չի զորացրվում:

Եթե, իհարկե, հաշվի չառնենք ծնունդն ու մահը:

Ու, ըստ այդմ էլ, երկրապահի օր, մեծ հաշվով, լինել չի կարող: Դա կամ հավերժություն է կամ էլ` իսկի պահ էլ չկա:

Ու ըստ դրա էլ պետք է լինեն բոլորիս հաշվարկները` առանց մնացորդների ու կոտորակների:

Թե չէ մենք միշտ էլ 1-ը գրում ենք, 9-ը` պահում մտքում:

Ու` մոռանում:

Ու այդպես էլ էդ 9-ը ոչ մի տեղ էլ չի երեւակվում:

Կորչում է:

...Մեզնից:

Որոնում

Խմբագրի ընտրանին

Վերլուծական

Եթե թողնեն բանալին

Որ Հայաստանում արտահերթ ընտրության համար հիմքերի բացակայության մասին դատողություններն իրենք են անհիմն` դրանում...

Քաղաքական

Փաստահավաք խմբի զեկույցը մարտիմեկյան դեպքերին բանակի մասնակցության մասին կլինի

Փաստահավաք խմբի ընդդիմադիր անդամները, ինչպես հայտնի է, աշխատում են իրենց թվով 5-րդ` վերջնական զեկույցի վրա:

Աշխարհ

Յոթ երգ` ութ բանի մասին

Արժույթի միջազգային հիմնադրամի առաքելության ղեկավար Մարկ Լյուիսը երեկ, փաստորեն, արդարացրել է Հայաստանի...

Արխիվ

Reproduction in whole or in part without permission is prohibited.