Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Լեւոն Տեր-Պետրոսյանի ելույթի արձագանքներից. ԱՄՆ: Սկզբունքային գնահատականներ ու պատգամներ

14:21 Yerevan | 10:21 GMT | Tuesday 6 May 2008

Համբիկ Սարաֆյան

Քաղաքագետ, Լոս Անջելես

Լեւոն Տեր-Պետրոսյանի ելույթը, թեև իր խոսքերով “մի քանի հրատապ թեմաների” մասին անդրադարձ էր, սակայն ավելի ուշադիր կարդալու դեպքում տեսնում ենք, որ այնտեղ տրված գնահատականներն ու պատգամները ունեն երեք հստակ հասցեատերեր՝ ժողովուրդը, իշխանությունները, վերջապես միջազգային ընտանիքը: Ժողովրդի կամ հասարակության պառակտման մասին իշխանությունների պնդումներին ի հակառակ բերված փաստարկները պերճախոս են, անառարկելի:

Ավելին, իշխանությունների նման պահվածքը ապացույց է այն բանի, որ նրանք դժվարություն ունեն զանազանելու ժողովուրդ հասկացողությունը՝ վարչակարգ հասկացողությունից: Հետեւաբար՝ երբ խոսում են հասարակության երկփեղկման մասին՝ նրանք ամենայն հավանականությամբ նկատի ունեն մի կողմից ժողովուրդը, մյուս կողմից՝ իրենք իրենց:

Վերլուծելով Մարտ 1-ի դեպքերը, Լեւոն Տեր-Պետրոսյանը՝ սպանդի գլխավոր պատասխանատուն համարում է Ռոբերտ Քոչարյանին, Սերժ Սարգսյանին վերապահելով՝ լուռ ու կրավորական մեղսակցի դերը։ Սա չափից ավելի հատկանշական պարագա է այն առումով, որ Լեւոն Տեր-Պետրոսյանը հստակ տարբերություն դնելով երկու պարագլուխների գործողությունների ու պատասխանատվության չափերի մեջ՝ եզակի հնարավորություն է ստեղծում Սերժ Սարգսյանի համար գործնական քայլերով իր մեղսակցության բաժինը սրբագրելու եւ ի ցույց դնելու, որ մարտմեկյան սպանդի պատասխանատվություն չի կրում կամ կրում է մասնակիորեն: Միջազգային ընտանիքին ուղղված խոսքով, Լեւոն Տեր-Պետրոսյանը քննադատելով ԵՄ որդեգրած քայլերը ցույց է տալիս այն պետական մտածողությունը, որ գոյություն չի ունեցել մեր նորագույն պատմության մեջ: Մեր ողջ պատմության մեջ մենք մշտապես եղել ենք խնդրողի եւ աղերսողի դերում եւ խուսափել ենք պատասխանատվության հստակ բաժին հանելուց այդ նույն երկրներին: Սա նաեւ եւս մեկ անգամ ապացուցում է, որ հայ ժողովուրդն ինքը պետք է տնօրինի իր ապագան՝ չապավինելով որեւէ արտաքին ուժի, որովհետեւ այդ արտաքին ուժը թեեւ հռչակում եւ ջատագովում է համամարդկային արժեքներ, այնուամենայնիվ առաջնորդվում է բացառապես սեփական շահերով եւ առաջնայնություններով:

Որոնում

Արխիվ

Վերլուծական

«Ընդհանուր սահմա՞ն», թե՞ «ցամաքային կապ»

Ղարաբաղյան հակամարտության կարգավորմանն առնչվող հայտարարությունների պակաս վերջին օրերին չի զգացվել:

Քաղաքական

Այսօր: Մատենադարանի մոտ: 19.00

Սիրելի հայրենակիցներ Այսօր, ժամը 19-ին ՄԱՏԵՆԱԴԱՐԱՆԻ մոտ Համաժողովրդական Շարժումը հրավիրում է համահանրապետական ՀԱՆՐԱՀԱՎԱՔ...

Աշխարհ

Ի՞նչ է գոռացել. գուցե` «առաջ, Հայաստա՞ն»

Երեւանի Կենտրոն եւ Նորք-Մարաշ համայնքների ընդհանուր իրավասության դատարանում երեկ շարունակվեց ԱԺ պատգամավոր...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.