Մի լքեք մեր երկիրը

14:08 Yerevan | 10:08 GMT | Tuesday 6 May 2008

Հայրենակիցնե՛ր. փետրվարի 19-ին գործող ռեժիմը հերթական անգամ կեղծեց ընտրությունները՝ իրեն իրավունք վերապահելով որոշել մի ամողջ ազգի ճակատագիր:

Բռնություններով, լցոնումներով ուղեկցվող «ընտրության» արդյունքում Հայաստանի Ազատ քաղաքացին ընդվզեց եւ հայտարարեց, որ այլեւս չի պատրաստվում ապրել այս անբարո կյանքով, որ չի պատրաստվում սեփական երկրում ստրուկի կարգավիճակ ունենալ: Սակայն ռեժիմն իրեն հատուկ դաժանությամբ փորձեց լռեցնել Ազատ քաղաքացու Ձայնը՝ նրա դեմ զենք կիրառելով, խոշտանգելով եւ ձերբակալելով: Հայ ժողովրդի հերոս որդիները հայտնվեցին ճաղերից այն կողմ՝ քաղբանտարկյալի կարգավիճակով, հիվանդանոցները լցվեցին բազմաթիվ վիրավորներով, երկրում խրախուսվեց ոստիկանական ամենաթողությունը: Համաժողովրդական Շարժումը, սակայն, չընկրկեց՝ շատ արագ ուշքի եկավ դավադիր հարվածներից եւ նորից պարզեց ազատության ու արդարության համար մղվող պայքարի աննկուն դրոշը: Ցավոք, մեր ժողովրդի գիտակից մի հատված՝ վերջնականապես հուսալքված ռեժիմի չարագործություններից, պատրաստվում է վերցնել պանդխտության ցուպն ու հեռանալ Հայրենիքից մի պարզ պատճառով, որպեսզի ազատվի այն դժոխային պայմաններից, որոնք իր համար ստեղծել են «ազգընտիր» ղեկավարները՝ ոչ մի հույս չկապելով ապագայի հետ: Այս ամենին նաեւ հաջորդեց սեփական ժողովրդից օտարված իշխանավորների հաջորդ քայլը՝ սկսեցին բարձրանալ ապրանքների եւ ծառայությունների գները, հարկային ծառայությունները փորձեցին խեղդել մանր ու միջին բիզնեսը՝ պետության, առանց այդ էլ ողբալի վիճակում գտնվող բյուջեն լցնելու համար: Այսօր մեր օդանավակայանը լի է Երկիրը լքել ցանկացողներով:

Ս.Դ.հնչակյան կուսակցությունը կոչով է դիմում:

Սիրելի հայրենակիցներ. մի՛ լքեք մեր երկիրը, մի թողեք մեր տառապած հայրենիքը օրհասական պահին, քանի որ հայ ժողովրդի նպատակը ոչ միայն արդարություն եւ օրինականություն վերականգնելն է, այլ նաեւ մեր տարագիր հայրենակիցների հայրենադարձությունն ապահովելը: Այս հողն ու ջուրը ոչ մեկի սեփականությունը չէ, այս երկրում մենք հյուր չենք, այլ՝ տանտեր եւ իրավունքների հետ միասին ունենք նաեւ պարտականություններ: Հիշեք այն հանգամանքը, որ թողնելով Ձեր եւ Մեր Հայրենիքը` դուք ջուր եք լցնում ռեժիմի ջրաղացին, քանի որ նրանց ամենամեծ ցանկությունը Ձեզ՝ գիտակից եւ ակտիվ քաղաքացիներիդ, արտագաղթի մղելն է: Սա մեր երկիրն է, եւ մենք պետք է հստակ գիտակցենք. ոչ ոք չի կարող մեր հոգուց հանել Ազատության եւ Արդարության համար մղվող պայքարի ձգտումը: Մենք՝ մեր երկրի արժանավոր զավակներս, պարտավոր ենք պայքարել հանուն մեր երեխաների պայծառ ապագայի եւ քաղել մեր հաղթանակի պտուղները:

Ս.Դ.հնչակյան կուսակցության կենտրոնական վարչություն

շաբաթ, 4 հուլիս 2009

Մի լքեք մեր երկիրը

14:08 Yerevan | 10:08 GMT | Tuesday 6 May 2008

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Քաղաքական

Լեգիտիմությունն է գտնում տիրոջը

Աշխարհ

Մերձավոր Արեւելքը` շարժման մեջ