Ջրանետ մեքենաներն այլ առաքելություն են ունեցել

12:41 Yerevan | 8:41 GMT | Friday 2 May 2008

Հարգելի խմբագրություն Ականատես լինելով մարտի 1-ի իրադարձություններին, ի թիվս բազմաթիվ կասկածելի դրվագների, ցանկանում եմ Ձեր ուշադրությունը հրավիրել մի փաստի վրա, որն ամբողջանում է այլ ականատեսների վկայությունների եւ նկարահանված կադրերի համադրմամբ: Խոսքը վերաբերում է ջրանետ մեքենաների մարտիմեկյան «առաքելությանը»:

Ըստ իմ տեսածի՝ Լեո-Պարոնյան փողոցների խաչմերուկում, որտեղ ընկած էր մի քաղաքացու դիակ, այն բանից հետո, երբ դիակը հեռացվեց դեպի փողոցի մայթը եւ գլխից արյան հսկայական հետք մնաց, Պռոշյան փողոցի կողմից հայտնվեց մի ջրանետ մեքենա եւ մոտենալով այդ հետքին՝ կանգեց ու փորձեց լվանալ այն: Հետաքրքրական է, որ մինչ այդ` կանգնած այրվող ավտոբոսը, հետեւողականորեն, հանգցնելու փորձ իսկ չարվեց. այն շարունակեց այրվել:

Ջրանետ մեքենաների հայտնվելն ինձ այնքանով բնական թվաց, որ ենթադրվում էր, որ հասնելով ցուցարարներին՝ այն պետք է կատարեր իր «ուղղակի» ֆունկցիան, սակայն հետագայում, զրուցելով այլ ականատեսների հետ եւ դիտելով նկարահանումները, նկատեցի, որ ջրանետ մեքենաների կողմից ցուցարարները, կարծես, չեն ջրվել կամ դրանց թիվը խիստ սակավ է 3 մեքենայի համար: Բայց, ի տարբերություն սրա, ասֆալտի վրայից արյան լճակները պարբերաբար լվանալը նկատել եւ ֆիքսել են բոլորը:

Կարծում եմ՝ ջրանետ մեքենաները դուրս բերելու իրական դրդապատճառները բոլորովին այլ են եղել, եւ այս ենթադրությունների հնարավոր հաստատումը լուրջ եզրահանգումների կարող է բերել:

Որոնում

Արխիվ

Վերլուծական

Սնանկ իշխանություններ, դատարկ պնակներ...

Ինչպես ասում են` քեֆ անողի քեֆը չի պակասի, իսկ պնակալեզների համար էլ` պնակը: Կամ` ինչպես ի տարբերություն հին հռոմեացիների...

Քաղաքական

Արժանապատվորեն

...Ահա այսպես: Եվ յուրաքանչյուրը նաեւ պատիվ է համարում իր համար սա:

Աշխարհ

Մեղադրանք

Այսօր Հայաստանի հասարակական-քաղաքական կյանքում փորձ է արվում արդարացնել իշխանությունների կողմից բռնության...

Reproduction in whole or in part without permission is prohibited.