«Գյումրի ե՞ս գնում, թե՞ Թալին»

13:07 Yerevan | 9:07 GMT | Wednesday 30 April 2008

Էմմա Գաբրիելյան

Հյուսիսային պողոտայում երեկ «քաղաքական զբոսանքի» եկածները, ինչպես յուրաքանչյուր օր, զբոսնում, «Ազատություն» ռ/կ-ի երեկոյան թողարկումն էին ունկնդրում, երեխաները խաղում-վանկարկում էին` «Ազատ, անկախ Հայաստան», «Պայքար, պայքար, մինչեւ վերջ», «Լեւոն` նախագահ», մի խումբ տղաներ էլ երգում էին հետընտրական հանրահավաքների սիրված երգերից մեկը` «Արաբոն», իսկ հավաքվածները վանկարկում էին` «Լեւոն` նախագահ», ինչպես բազմահազարանոց հանրահավաքների օրերին:

«Զբոսանքի» մասնակիցները երեկ նաեւ պատասխանատվության մեծ զգացումով հերթագրվում էին այսօր նշանակված քաղբանտարկյալների դատավարություններին մասնակցելու նպատակով. մեկը մյուսին հարցնում էր` «Վաղը Գյումրի ե՞ս գնում, թե՞ Թալին, թե՞ մնալու ես Երեւանում` Կենտրոնի դատին ես գնալու...»:

Ճիշտ այն պահին, երբ մարդիկ հարցուփորձ էին անում Երեւանից Գյումրի եւ Թալին մեկնելու ժամն ու վայրը եւ արդեն նախապատրաստվում էին, թե ինչպես պետք է հաջորդ օրը ոգեւորեն քաղբանտարկյալներին` «Հյուսիսայինում» մի իսկական իրարանցում, ոգեւորություն սկսվեց այն բանից հետո, երբ մի խումբ երիտասարդ «կալանավորներ» հայտնվեցին: Պարզվեց «Հիմա» երիտասարդական շարժման ակցիայի մասնակիցներն են, ովքեր բանտարկյալների հագուստով, գլխարկներով, յուրաքանչյուրն իր հագուստի վրա մեկ տառ փակցրած` «Ազատություն քաղբանտարկյալներին» արտահայտությունից, եւ հենց դա էլ վանկարկելով մի քանի անգամ անցան Հյուսիսային պողոտայում հավաքվածների միջով: Երիտասարդ «կալանավորները» եկել էին ՀՀ գլխավոր դատախազության շենքի մոտից մեկնարկած ակցիայից, նրանք նաեւ անցել էին ՀՀ-ում Ֆրանսիայի եւ Իտալիայի դեսպանությունների, ապա կառավարության շենքի շրջակայքով:

Որոնում

Արխիվ

Վերլուծական

Որտեղի՞ց են ծանոթ նրանց դեմքերը

Կուսակցությունների ղեկավարների հետ քննարկում կազմակերպելու մտադրությունը, որ Հանրային հեռուստաընկերությանը տված...

Քաղաքական

Վարչապետը սպառնալիք է ստեղծել լրագրողի համար

Վարչապետ Տիգրան Սարգսյանը ժեստ է արել` նախօրեին այցելելով հետաքննող լրագրող Էդիկ Բաղդասարյանին, ով հիվանդանոց էր...

Աշխարհ

Գլոբալիզացիան շարունակվում է

Ի տարբերություն Մեծ դեպրեսիայի, արդի ֆինանսա-տնտեսական ճգնաժամը չփոխեց համաշխարհային տնտեսական...

Reproduction in whole or in part without permission is prohibited.