Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Արամ Սարգսյան. «Իշխանության օրերը հաշված են»

13:39 Yerevan | 9:39 GMT | Thursday 24 April 2008

Կարինե Հարությունյան

Երեկ, Հաղթանակ գյուղում` ի պաշտպանություն Սմբատ Այվազյանի եւ մյուս բոլոր քաղբանտարկյալների տեղի ունեցած ակցիային ներկա էր նաեւ «Հանրապետություն» կուսակցության առաջնորդ Արամ Սարգսյանը: Վերջինս պատասխանեց լրագրողների հարցերին:

-Ինչպե՞ս եք գնահատում նման ակցիաները:

- Շատ բնական, որովհետեւ բոլոր ձերբակալվածները իրենց բնակավայրերում հեղինակություն ունեն: Այստեղ քաղաքական գործոնի հետ կա նաեւ վրեժխնդրության հանգամանքը: Իրենք էլ հասկանում են, որ «պետք էր» ձերբակալել այնպիսի մարդկանց, ովքեր հեղինակություն ունեն, ովքեր ունակություններ ունեն եւ իրենց հետեւորդները ունեն: Դրանով փորձում են թուլացնել համաժողովրդական Շարժման ընթացքը: Սակայն նման ակցիաները ցույց են տալիս, որ դրանով հասարակությանն ավելի են լարում իրենց դեմ, իրենց եւ հասարակության միջեւ առկա անջրպետը էլ ավելի են խորացնում: Եվ դրանով իրենց առջեւ դրած նպատակները ոչ թե լուծում են, այլ հակառակը` դժվար լուծելի են դարձնում:

- Եթե լավատես լինենք, պիտի մտածենք, որ իշխանությունները կկատարեն ԵԽԽՎ հայտնի բանաձեւի բոլոր կետերը: Դա հնարավոր համարու՞մ եք:

- Բանաձեւին ընդառաջ գնալը եւ այն կատարելը պետության շահերից է բխում: Հայ մարդը այսօր պայքարում է ազատության եւ արդարության համար: Այստեղ իշխանության, հացի, պաշտոնի խնդիր չկա: Իսկ ազատության համար պայքարող մարդը արդարություն է ուզում: Գործող իշխանությունը չի կարող այդ արդարությունը ապահովել, որովհետեւ լուրջ կախվածություն ունի իր թիմից, նաեւ նախկին նախագահից:

- Իսկ ի՞նչ կարող է անել այս իշխանությունը` ըստ ձեզ:

- Դժվար է ասել: Որովհետեւ` տրամաբանություն չկա նրանց արարքներում: Այս իշխանությունները ոչ թե օրենքի, պետության շահերից են գործում, այլ` կոնկրետ նպատակահարմարությունից ելնելով: Հոկտեմբերի 27-ից հետո այս իշխանությունների ցանկացած քայլ եղել է իրավիճակային եւ արվել է տվյալ օրվա խնդիրը լուծելու համար: Իսկ էդպիսի իշխանության օրերը հաշված են:

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Ինչպես հայտնի է, ամեն ինչ համեմատության մեջ է երեւում: Չնայած որեւէ արտահայտություն, այդ թվում եւ վերը նշվածը, չի կարող լինել...

Քաղաքական

Լեգիտիմությունն է գտնում տիրոջը

«Գրողը չէ, որ գրելիք է փնտրում: Գրելիքն է փնտրում գրողին»: Այդ տողերի հեղինակն...

Աշխարհ

Մերձավոր Արեւելքը` շարժման մեջ

Հանճարեղ ելույթները հաճախ թերագնահատում են` համարելով պարզ խոսքեր: Իրականում դրանք կարող են լրջագույն հետեւանքներ...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.