Ամաչելու պահը

15:47 Yerevan | 11:47 GMT | Saturday 19 April 2008

Տեսակետ ԱԺՄԿ ղեկավարի մոտեցումների մասին Հայաստանյան հեռուստաընկերությունները միահամուռ ձեւով շարունակում են չարաշահել իրենց հնարավորությունները եւ գլխիվայր ներկայացնել երկրի հասարակական-քաղաքական իրականությունը:

Իսկ ընտրախախտներն, այդ եթերն օգտագործելով իրենց անձնական շահերի համար, շարունակում են վարկաբեկել քաղբանտարկյալներին, որոնց փոխարեն, հաստատ իրենք պետք է լինեին:

Սուտը, անգործությունը, քծնվելը, շողոքորթելը, վարկաբեկելը, վիրավորելը` ահա այն չափանիշները, որոնցով ողողված է այսօրվա հեռուստաեթերը: Օրինակ` որեւէ մեկը լսել է, որ ՔԴՄ իբր կուսակցության ղեկավարը բացի իր «անբասիր» անցյալը իշխանություններին հիշեցնելուց, երբեւէ նախաձեռնություն ցուցաբերի ընտրախախտումների հետեւանքների վերացման ուղղությամբ:

Իհարկե, Վ.Մանուկյանին չես համեմատի ՔԴՄԿ-ականի, ԱԺԿ-ականի եւ նմանների հետ, սակայն, որ «Ղարաբաղ» կոմիտեի համակարգողը հավասարվում է նրանց` փաստ է:

Մասնավորապես, Վ.Մանուկյանի այսօրվա դիրքորոշումն, իմ կարծիքով, կայանում է հետեւյալում`

«Քանի որ ես ատում եմ Լ.Տեր-Պետրոսյանին, ուրեմն Ս.Սարգսյանը հաղթել է օրինական ընտրություններում»:

Եվ դա արվում է այնքան հակասական եւ չհիմնավորված մոտեցումներով` տեղ-տեղ վերածվելով զավեշտի, որ ակամայից ուզում ես հարցնել` «Մի՞թե նախանձն այդքան խոր հետեւանքներ կարող է ունենալ»:

Այո, նախանձ, սա նախանձի հետեւանք է, որի ներկայիս պատճառները կարող են լինել`

Լ.Տեր-Պետրոսյանի աջակիցների թիմը անհամեմատ ամենատպավորիչն է` եւ ժողովրդավարության, եւ ժողովրդականության իմաստով,

Լ.Տեր-Պետրոսյանի նախընտրական շտաբը ընտրությունների օրինականության ապահովման համար միակ պայքարող շտաբն էր, բառիս բուն իմաստով,

Լ.Տեր-Պետրոսյանը, չունենալով հեռուստաընկերությունների աջակցությունը, ինչպես Վ.Մանուկյանը, այլ ունենալով նրանց ապօրինի հակաքարոզչությունը, տարել է համակարգված, օրինական, ստեղծագործ, եզակի եւ ընտրողների օրեցօր աճող համակրանքը վայելող քարոզչություն, ի հակասություն Վ.Մանուկյանի 15 տարի շարունակ կրկնվող հնամաշ ելույթների,

Լ.Տեր-Պետրոսյանի «մոլորյալ» համակիրների թիվը, այն էլ պաշտոնական մամլիչից հետո, Վ.Մանուկյանի «նվիրված» ընտրողներին գերազանցել է անթիվ անգամ,

Լ.Տեր-Պետրոսյանի հետընտրական գործունեությունը կրել է օրինական եւ ուսուցողական բնույթ, Լ.Տեր-Պետրոսյանը չի վախեցել եւ չի թաքնվել, այլ համարձակորեն շարունակում է պայքարել իշխանությունների ուժային մեթոդների հետեւանքների վերացման ուղղությամբ,

Լ.Տեր-Պետրոսյանի եւ նրա թիմակիցների գործունեությունն արժանացել է միջազգային ժողովրդավարական կառույցների դրական արձագանքին,

Լ. Տեր-Պետրոսյանի թիմը տանում է լրջագույն եւ ամենօրյա աշխատանք ստեղծված իրավիճակի կարգավորման ուղղությամբ, այլ ոչ թե «շարիկ են գլորում», ինչպես ԱԺՄԿ էլիտան` 1996թ. սեպտեմբերից հետո,

Լ.Տեր-Պետրոսյանը երբեւէ խեղճացած չի նստել ոմն Արա Աբրահամյանի մամլո ասուլիսին,

Լ. Տեր-Պետրոսյանը մաքրեց ընդդիմադիր դաշտը եւ ստիպեց իրենց ընդդիմութուն համարող եւ տարիներ շարունակ հասարակությանը մոլորեցնող գործիչներին բացահայտել իրենց էությունը,

Եվ վերջապես` Լ.Տեր-Պետրոսյանն արթնացրեց ժողովրդին պարտադրված «քնից», որի մասին խոսում են անգամ նրա ամենաթունդ հակառակորդները:

Երբ 1996թ.-ին շատերս աջակցում էինք Վ.Մանուկյանի գլխավորած շարժմանը, չէինք հիշում նրա վարչապետական բացթողումների մասին եւ կարեւորը համարում էինք ոչ թե նրա անձը, այլ մարդկանց քաղաքական իրավունքների վերականգնման ուղղությամբ նրա գործունեությունը:

Հավանաբար, ներկա պայմաններում, նույն կերպ պետք է վարվեր նաեւ թիվ առաջին ազգային ժողովրդավարը եւ ոչ թե «հայհոյեր», այլ` շնորհակալություն հայտներ Լ.Տեր-Պետրոսյանի թիմին եւ նույնպես լծվեր ընտրությունների օրինականության ապահովման գործին, այն է` պաշտպաներ հասարակության շահերը:

Ահա թե ինչպես պետք է պաշտպանվեր «Ղարաբաղ» կոմիտեի համակարգողի եւ առաջին վարչապետի` տեղին եւ անտեղի անընդհատ շահարկվող բարձր անունը, որն, իմ կարծիքով, մրոտվել է 1996թ.-ի սեպտեմբերից ի վեր:

Սակայն, Վ.Մանուկյանը գնաց ճիշտ հակառակ ճանապարհով: Սկսեց անգամ «չհասկանալ ընդդիմության հետընտրական պահանջը», եւ բանը հասավ նրան, որ անգամ որոշեց պաշտպանել հանրահավաքների արգելումը:

Ամոթ...

Կազմակերպության նախագահ` Ռ.Թորոսյան

կիրակի, 21 մարտ 2010

Ամաչելու պահը

15:47 Yerevan | 11:47 GMT | Saturday 19 April 2008

Որոնում

Խմբագրի ընտրանին

Վերլուծական

Եթե թողնեն բանալին

Քաղաքական

Փաստահավաք խմբի զեկույցը մարտիմեկյան դեպքերին բանակի մասնակցության մասին կլինի

Աշխարհ

Յոթ երգ` ութ բանի մասին

Արխիվ