Վարդան Օսկանյանի հեքիաթների աշխարհը

20:33 Yerevan | 16:33 GMT | Tuesday 15 April 2008

Էմմա Ազատյան

Երկար տարիներ լուրեր են շրջել այն մասին, որ պրն Օսկանյանի կենսագրական ամփոփումը (Resume), մեղմ ասած, պարարտացվել է մտացածին ու երեւակայական տիտղոսներով՝ հավանաբար նախարարի գրաված պաշտոնի հետ համապատասխանեցնելու մարմաջով: Մենք, իհարկե, ունենք-չունենք` մի արտաքին գործոց նախարար ունենք: Բա նրան կսազե՞ր աղքատիկ Resume ունենալ: Վերջիվերջո նա անընդհատ շփվում է օտար երկրների բարձրաստիճան պաշտոնյաների հետ, բա գոնե նրանց չզարմացնի՞ իր հարուստ մասնագիտական տիտղոսներով:

Ուրեմն հարդը ցորենից զանազանելու նպատակով փորձեցինք իրականությունը պարզել այն համալսարաններից, որտեղից պրն Օսկանյանը իբր ստացել էր իր գիտական կոչումները:

Հայաստանի արտաքին գործոց նախարարության կայքէջում տեղադրված նախարարի կենսագրական ամփոփումից իմանում ենք, որ նա 1983 թվականին ավարտել է Տաֆտի (Tufts) համալսարանի երկրաչափական բաժինը` ստանալով մագիստրոսի կոչում:

Մենք կապվեցինք տվյալ համալսարանի արձանագրությունների բաժնի հետ եւ նրանցից իմացանք, որ այդ մասին որեւէ արձանագրություն գոյություն չունի: Միակ արձանագրությունը, որ կարողացան գտնել` 1993-ին Օսկանյանի` Fletcher դպրոցից ստացած օրենքի եւ դիվանագիտության մագիստրոսի կոչումն էր:

Նախարարի կենսագրական ամփոփման մեջ նաեւ նշվում է, որ նա 1986 թվականին ստացել է պետական կառավարման մագիստրոսի կոչում` ոչ ավել-ոչ պակաս աշխարհահռչակ Հարվարդի (Harvard) համալսարանից: Կապվեցինք նաեւ այս համալսարանի արձանագրությունների բաժնի հետ, ու պարզվեց, որ նրանք նույնպես այս մասին որեւէ արձանագրություն չունեն:

Իհարկե, պրն Օսկանյանը առաջին անձը կամ բարձրաստիճան պաշտոնյան չի, որ խեղաթյուրել է իր կենսագրությունը: Ընդհանրապես, նման մարդկանց մոտ խիստ արտահայտված է լինում ստորակայության բարդույթը, ստիպելով այլոց, նման դեպքերում խեղաթյուրողը ընտրում է մի այնպիսի հաստատություն, որ առանձնապես աչքի չի ընկնում եւ այդպիսով այնտեղի ուշադրությունը չի հրավիրում: Սակայն ինչպես պարզվում է` պրն Օսկանյանը նման մտահոգություն չի ունեցել եւ գնացել ու ընտրել է աշխարհի ամենապատկառելի համալսարանները՝ երեւի մտածելով, որ ոչ ոք ուշադրություն չի դարձնի նման «մանրուքի» վրա:

Ինչեւէ, հիմա որ պրն Օսկանյանն այլեւս չի զբաղեցնելու արտաքին գործոց նախարարի պաշտոնը, հուսով ենք, որ բավարար ազատ ժամանակ կգտնի ամբողջացնելու իր ուսումը:

https: //www.alumniconnections.com/olc/pub/TUF/register/register.cgi

https: //post.harvard.edu/olc/pub/HAA/register/register.cgi

շաբաթ, 4 հուլիս 2009

Վարդան Օսկանյանի հեքիաթների աշխարհը

20:33 Yerevan | 16:33 GMT | Tuesday 15 April 2008

Էմմա Ազատյան

Որոնում

Արխիվ

Վերլուծական

Շահարկումների մեխանիկան

Քաղաքական

«Երդվե՛նք` չդադարեցնել պայքարը մինչեւ մեր բոլոր իղձերի իրականացումը». «գլխավորը չհոգնելը, չնվնվալը, չհուսալքվելն է»

Աշխարհ

Մերձավոր Արեւելքը` շարժման մեջ