Մեծ Հայք-Փոքր Հայք. իրողությունների բնութագիր` առանց պահանջատիրության նկրտումների

11:32 Yerevan | 7:32 GMT | Friday 11 April 2008

Միանգամից հանգստացնեմ. խոսքը պատմությանը չի վերաբերում, այլ մի քիչ այսօրվան, բայց հիմնականում` վաղվան:

Ապրիլի 9-ն էլ անցավ, ու էսօր, կարծեմ, արդեն ամսի 11-ն է: Այնպես որ, եւս մեկ օր, ու երկրի նախնական կալանքի ժամկետն ավարտվում է, ու կամ պետք է նույն այդ երկիրն ազատ արձակեն կամ էլ` մեղադրանք ներկայացնեն ու ձերբակալեն:

Ինչպես էլ վարվեն` միեւնույն է. 2007 թվականի հոկտեմբերի 27-ի երեկոյից ի վեր երկրում երկու Հայք կա այլեւս. Մեծ եւ Փոքր:

Ի դեպ. այն ժամանակ Մեծ Հայքը` իշխանություններինն էր, Փոքր Հայքը` ժողովրդինը:

Հետո ժամանակ անցավ, ու այդ երկու Հայաստանները, շախմատային լեզվով ասած` փոխատեղվեցին. Փոքր Հայքը դարձավ իշխանական կալվածք, Մեծը` ժողովրդական:

Փետրվարի 20-ին հստակ սահմանագիծ քաշվեց նաեւ դրանց միջեւ:

Մարտի 1-ին դրան գումարվեցին փշալարերը: Ու այդ օրվանից «սահմանախախտները» սկսեցին լուրջ ստուգում եւ հաշվառում անցնել:

Երկու զուգահեռ գոյատեւող Հայաստան:

Թեթեւ (առայժմ) բախումներով: Միասնականացումը` մերժող: Ավելին` անհնարին համարող: Միմյանց անհաղորդ: Եվ, որ ամենասարսափելին է` անտարբեր մեկը մյուսի նկատմամբ: Որը իշխանական աթոռը զբաղեցրածների միակ ձեռքբերումը կարելի է համարել: Նրանց հաջողվեց ոչ միայն կոտրել մարդկանց հավատը, այլեւ անտարբերին` դժգոհ, դժգոհին` պայքարող, պայքարողին` թշնամի սարքել:

Ամենավատ թշնամին բնավ էլ նա չէ, ով քեզ ատում է, եւ անգամ ոչ նա, ով արհամարհում է քեզ, այլ նա, ով անտարբեր է քո նկատմամբ: Ում համար դու գոյություն չունես: Չես եղել: Չկաս պարզապես:

Ու այս պարագայում, քանի որ զգացմունքները միանգամայն փոխադարձ են, ավելի ուժեղ է ստացվում, ինքնաբերաբար, այն Հայքը, որն ավելի մեծ է: Մեծը` Մեծ Հայքն է: Ժողովրդինը: Որը մեծ է ոչ միայն իր այսօրվա ընդգրկմամբ, այլեւ նրանով, որ օրավուր մեծանալու պոտենցիալ ունի: Ի տարբերություն իշխանական Փոքր Հայքի, որը նվազելու պոտենցիալն ունի սոսկ: Դանդաղ, բայց` հետեւողական: Որովհետեւ այնտեղի «բնակիչներից» ոմանց մոտ էլ է արթնանում մարդկայնությունը, իսկ դրանից հետո նրանք, մեխանիկորեն, տեղափոխվում են ժողովրդի Հայաստան` Մեծ Հայք, դրանով իսկ մեծացնելով Մեծը ու փոքրացնելով Փոքրը:

հինգշաբթի, 20 դեկտեմբեր 2008

Մեծ Հայք-Փոքր Հայք. իրողությունների բնութագիր` առանց պահանջատիրության նկրտումների

11:32 Yerevan | 7:32 GMT | Friday 11 April 2008

Որոնում

Արխիվ

Վերլուծական

Որտեղի՞ց են ծանոթ նրանց դեմքերը

Քաղաքական

Վարչապետը սպառնալիք է ստեղծել լրագրողի համար

Աշխարհ

Գլոբալիզացիան շարունակվում է