Ողջախոհության հորդոր իմ բոլոր այն ընկերներին, ովքեր հացադուլ են հայտարարել: Լսելի լինելու ակնկալիքով

12:13 Yerevan | 8:13 GMT | Tuesday 8 April 2008

Բոլորին, չնայած ոմանց իսկի չեմ ճանաչում: Իրենք էլ, երեւի թե, ինձ: Իրենց բախտն է բերել: Գուցե առժամանակ, գուցե` ընդհանրապես. ո՞վ իմանա: Բայց այս պահին դա չէ էականը:

Էականը` ողջախոհությունն է: Ինչ եմ հասկանում այդ ասելով: Դադարեցնել հացադուլը, դուրս գալ հացադուլից, հաց ուտել` վերջապես կամ էլ չգիտեմ ոնց է ճիշտ այդ ձեւակերպումը: Էությունը նույնն է:

Ինչու՞ եմ ես դա «ողջախոհություն» համարում:

Բայց նախ սկզբունքայնության մասին:

Բոլորս մեր երկիրը աշխարհի քաղաքակիրթ երկրների շարքից դուրս ենք համարում: Իրավամբ: Եվ «բոլորս» ասելով` նկատի ունեմ բացարձակապես բոլոր նորմալ մարդկանց: Որովհետեւ որեւէ ոչ հիվանդ մարդ հակառակը չի կարող պնդել: Օբյեկտիվորեն: Բայց, չգիտես ինչու, մեր ասածն ու արածը հակասում են միմյանց. ոչ քաղաքակիրթ երկրում մենք փորձում ենք քաղաքակիրթ միջոցներ կիրառելով հասնել քաղաքակրթության ապահովման: Զգացի՞ք անհեթեթություններն ու միմյանց, ըստ էության, փոխբացառող դատողությունները:

Քաղաքակիրթ մեթոդներով կարելի է պայքարել եւ արդյունքի հասնել միայն քաղաքակիրթ միջավայրում:

Հացադուլն, ի վերջո, քաղաքական պայքարի ծայրահեղ եւ սահմանային ձեւն է: Որը երկու` քաղաքական եւ մարդկային արձագանք է ենթադրում:

Քաղաքական արձագանք չի կարող լինել ձեր հացադուլին, սիրելիներս, որովհետեւ էս երկրում վաղուց անտի քաղաքական բան չկա: Վկան` վերջին ընտրությունները, որոնք վերածվեցին համատարած կեղծիքի, բռնության եւ անարդարության ցուցադրության:

Մարդասիրությու՞ն եք ակնկալում: Ումի՞ց: Որպեսզի ընդհանրապես դրանից էլ հույսներդ կտրեք` վերհիշեք 2008թ. մարտի 1-2-ի իրադարձությունները. ծեծ-ջարդ-սպանություն: Էս է այսօրվանների մարդասիրությունը:

Որոշել եք մեռնե՞լ... Հա, էս էն հարթությունն է, որ ձեր ու իշխանությունների ցանկությունները լիովին համահունչ են: Բայց էդ դեպքում էլ` ինչի՞ եք որոշել հեշտացնել նրանց գործը: Ավելի ճիշտ` ոչ մի գործ էլ չթողնել իրենց, եւ կամավոր ստանձնել եք նրանց ցանկություններն իրականացնողների դերը:

Դե իսկ եթե սկզբունքորեն` պայքարը դեռ նոր է սկսվում: Իսկ պայքարողներ պետք է լինեն նաեւ ֆիզիկապես առողջ մարդիկ: Թե՞ որոշել եք էդ պայքարից խուսափել եւ էդ գործն էլ միայն մեզ վրա թողնել:

Ցանկացած պարագայում` հորդորում-խնդրում-պահանջում եմ` դադարեցրեք հացադուլը: Որովհետեւ մեր պայքարն, ինչպես գիտեք, մինչեւ վերջ է...

Որոնում

Խմբագրի ընտրանին

Վերլուծական

Մի ձեռքով երկու ձմերո՞ւկ, թե՞ մի զարկով երկու նապաստակ

ԱԺ «Ժառանգություն» խմբակցությունը երեկ տարածել է հաղորդագրություն, որի համաձայն...

Քաղաքական

Մնաց իր արձանը բացի

Վերջերս Սերժ Սարգսյանի մոտ նոր հակումներ են առաջացել: Երկրի ղեկավարի պաշտոնը զբաղեցնող անձնավորությունն սկսել է...

Աշխարհ

Յոթ երգ` ութ բանի մասին

Արժույթի միջազգային հիմնադրամի առաքելության ղեկավար Մարկ Լյուիսը երեկ, փաստորեն, արդարացրել է Հայաստանի...

Արխիվ

Reproduction in whole or in part without permission is prohibited.