Զբոսնում էին` ժողովուրդ ու ոստիկան

11:48 Yerevan | 7:48 GMT | Saturday 5 April 2008

Կարինե Հարությունյան

Հյուսիսային պողոտա: Ժամը 18: Եկան, վերեւում շարվեցին` Վալերի Օսիպյանը, Ռոբերտ Մելքոնյանը, Աղասի Կիրակոսյանը եւ նման մի քանի անուններ: Տեսնես` չեն հոգնե՞լ: Ամեն օր այս մարդիկ այստեղ են: Նորմալ, մարդավարի չեն էլ հանգստանում: Ասում են` կգնաք, գալիս են: Ասում են` մի 20-30 մարդ կբռնեք, բռնում են: Ասում են` կգնաք դուք ել կզբոսնեք, զբոսնում են: Միայն պարան ցատկելու հրաման դեռ չեն ստացել: Հենց ստանան` էդ էլ կանեն: Հայտնի ֆիլմի պես. «Նաջարյանի ասածը ինձ համա~ր... օրենք ա»:

Հյուսիսային պողոտայում երեկ էլի զբոսանքի էին դուրս եկել` ոստիկան թե շարքային քաղաքացի: Էս բարձրաստիճանները կանգնեցին-կանգնեցին, երբ մարդիկ շատացան-խմբվեցին, իջան «հոտոտելու»` էս ի՞նչ են անում, ի՞նչ են խոսում: Մենակ թէ էս անգամ չասացին` ցրվեք, օրենք եք խախտում ու նման բաներ, քանի որ ժողովրդի հետ զրույցի էին բռնվել մի քանի արտասահմանցի: Համազգեստավորներն էլ սուսուփուս հեռացան: Ինչքան չլինի մի երկու օրից ինաուգուրացիան պիտի հորով-մորով անեն ու աղմուկ հաստատ իրենց պետք չի: Բայց դե ի՞նչ ոստիկան, որ հանգիստ կանգնի նման «ժողովրդական կուտակումների» դեպքում: Նույն պարոնները մի քանի անգամ վերեւ-ներքեւ անելուց հետո եկան-մոտեցան ժողովրդին ու «խարիսխ գցեցին» հենց մի երկու մետրի վրա: Սրանց էստեղ թողնենք ու դառնանք ժողովրդին:

Հյուսիսային պողոտայի երեկվա թեմաներից մեկը Մայր Աթոռի վերջին որոշումն է Մարտի 1-ի զոհերի քառասունքի պատարագը ապրիլի 6-ին կատարելու մասին: Ահա թե ինչ ասացին հավաքված կանայք:

«Իրավունք չունեն: Որովհետեւ մարդու հոգին 40 օր դեռ երկրի վրա է եւ 40 օրից հետո է երկինք բարձրանում: Իսկ իրենք խախտում են մեր քրիստոնեական ավանդույթները»:

«Արդեն քանի տարի տեսնում ենք, որ եկեղեցու մեծավորները ոչ թե ժողովրդի հետ են, այլ` իշխանության: Անդրանիկ Մարգարյանի թաղման ժամանակ խաչը մոտեցրին Քոչարյանին, սա էլ հետ գնաց: Որովհետեւ դրանք քրիստոնյա չեն, անհավատ են: Վազգեն Առաջինը 88-ին ժողովրդի հետ հացադուլ հայտարարեց եւ նա հարգված-սիրված կաթողիկոս էր: Հիսուս Քրիստոսը մինչեւ վերջ կանգնած էր ժողովրդի կողքին. հոգեւորականը պետք է օրինակ վերցնի Հիսուսից` ժողովրդին ծառայելով»:

Օրվա հաջորդ թեման ապրիլի 9-ին ժողովրդի անելիքին էր վերաբերում: Արդեն մի քանի օր է լուրեր են պտտվում, թե այդ օրը մարդիկ հավաքվելու են Մյասնիկյանի արձանի մոտ եւ ծաղիկներ դնելու զոհերի հիշատակին: Այս մասին հարցրեցի շատերին: Պատասխանները տարբեր էին ու պարզվեց, որ ընդհանուր կազմակերպված ոչինչ չկա: Տարբեր խմբեր հավաքվելու են տարբեր տեղերում: Սբ.Գրիգոր Լուսավորիչ եկեղեցի` մոմ վառելու զոհվածների հոգիների խաղաղության համար: Մեծ Բրիտանիայի դեսպանատուն: Սարյանի արձան: Միքայել Նալբանդյանի արձան` ԱԱԾ շենքի մոտ` հաջակցություն հարյուրից ավելի քաղբանտարկյալների, Մատենադարան, ԵՊՀ, տարբեր բուհեր եւ էլի մի քանի վայրեր: Հետո ասացին, որ հրավիրել են նաեւ շրջանների իրենց ընկեր-բարեկամներին:

Հյուսիսային պողոտայում երեկ մարդիկ չձերբակալվեցին: Ոստիկանության օպերատորն էլ չկար:

Որ ի՞նչ լիներ: Իրենք ժողովրդին են անգիր արել, ժողովուրդն էլ` իրենց:

չորեքշաբթի, 7 հունվաը 2009

Զբոսնում էին` ժողովուրդ ու ոստիկան

11:48 Yerevan | 7:48 GMT | Saturday 5 April 2008

Կարինե Հարությունյան

Որոնում

Արխիվ

Վերլուծական

Երկնքից երեք խնձոր կորավ

Քաղաքական

Մտովի նրանց կենացը կխմենք...

Աշխարհ

Փափկամազիկ ժողովրդավարություն