“Zhamanak” Armenian-American Political Daily
English

Հյուսիսային «ռազմաճակատում» փոփոխություններ չկան

14:29 Yerevan | 10:29 GMT | Saturday 29 March 2008

Է.Գ.

Հյուսիսային «ռազմաճակատում» փոփոխություններ չկան
Ոչինչ, իսկապես, չի փոխվել: Նոր «դասակարգ» է հայտնվել միայն՝ ստաժավոր տարվողներ: Ովքեր անտրտունջ կրում են իրենց «ճակատագիրը»: Մնացած ամեն ինչը նույնն է. էլի աշխատանքի պես՝ նույն տեղը, նույն ժամին, նույն կերպ: Մանավանդ՝ տանել-թողնելը:

Հյուսիսային պողոտայում արդեն ավանդական քաղաքական «զբոսանքի» ընթացքում երեկ գերակշռում էին երիտասարդները, որոնք նախ «շաուրմա ուտելու» ակցիա անցկացրին, ապա խաղ կազմակերպեցին` «պանտոմիմա», որի իմաստը հետեւյալն էր. ցանկացած երեւույթ, բառ պետք էր առանց խոսքի փորձել բացատրել: Երիտասարդները խորհրդանշական թեմաներ-բառեր էին ընտրում, օրինակ` «ոստիկան», «ձերբակալություն», «դատարան», «պաշտոնակալության արարողություն` արտակարգ դրության պայմաններում»...

Ոստիկանները մեկ-երկու անգամ մոտեցան երիտասարդներին, խնդրեցին բացել ճանապարհը, որպեսզի մարդիկ կարողանան զբոսնել փողոցում: Երիտասարդները շարունակեցին իրենց խաղը մոտ մեկ ժամ: Ի դեպ, խաղի ընթացքում երիտասարդներին մոտեցավ մի մարդ եւ իր հետ եկած օպերատորին հրամայեց ` «նկարահանի բոլոր խաղացողներին», իսկ լրագրողների` «ո՞վ եք եւ ինչու՞ եք նկարում երիտասարդներին» հարցին` պատասխանեց, թե ոստիկանության լրատվական ծառայությունից է` Գեւորգ Թոփչյան:

Մինչ խաղն ընթանում էր ոստիկաններն էլ իրենց սովորական գործն էին կատարում` մարդկանց էին բերման ենթարկում: Երեկ շուրջ 15 մարդ բերման ենթարկվեց, որոնցից չորսը կանայք էին եւ մեկ հաշմանդամ` նրան մեծ դժվարությամբ նստեցրին ոստիկանության մեքենա: Երեկ` արդեն երկրորդ անգամ բերման ենթարկեցին «Սկսել ա» երիտասարդական հասարակական կազմակերպության անդամ Արսեն Խառատյանին, հավանաբար իրավապահներին դուր չէր եկել, որ Արսենը «պանտոմիմա» շատ ակտիվ խաղացողներից էր: «Զբոսանքին» մասնակցեց մաեւ ԱԺ պատգամավոր Վիկտոր Դալլաքյանը: Հյուսիսային պողոտայում «քաղաքական զբոսանքին» երեկ միացավ նաեւ ոստիկանության Երեւանի քաղաքային վարչության պետ Ներսես Նազարյանը, ով անցավ պողոտայով` ուսումնասիրելով «իրավիճակը»:
Վերլուծական
Մի ուրվական է շրջում Հայաստանում

Մի ուրվական է շրջում Հայաստանում

Դատելով վերջին շրջանում տեղի ունեցող իրադարձություններից, որ արձանագրվում են իշխանության ներսում, կարելի է ասել, որ...

Քաղաքական
De Jure-ի եւ De Facto-ի արանքում

De Jure-ի եւ De Facto-ի արանքում

Երբ Հայաստանում իշխանությունը Ռոբերտ Քոչարյանից de jure անցնում էր Սերժ Սարգսյանին, կադրային փոփոխությունները, որ...

Աշխարհ
Յոթ երգ` ութ բանի մասին

Յոթ երգ` ութ բանի մասին

Արժույթի միջազգային հիմնադրամի առաքելության ղեկավար Մարկ Լյուիսը երեկ, փաստորեն, արդարացրել է Հայաստանի...

Արխիվ

Copyright © 2004–2010 — “Zhamanak” Armenian-American Political Daily. All rights reserved.

Reproduction in whole or in part without permission is prohibited.