Խի՞ եք իմ դեմ ման գալի

14:30 Yerevan | 10:30 GMT | Friday 28 March 2008

Ոչ ոք էսպիսի բան չի ասել: Առայժմ: Բառացի: Բայց իշխանությունների բոլոր գործողությունները հենց դա են վկայում: Եվ միայն: Իշխանավորները, փաստորեն, հին «եղունգ նայող» են: Հստակ գիտեն, թե ով ինչ է մտածում, որտեղ, երբ:

Եթե Հայաստանի Հանրապետության քաղաքացին Հյուսիսային պողոտայում է, ուրեմն` իշխանությունների դեմ է, եթե Ազատության հրապարակում` ուրեմն ինքն է իշխանություն ուզում, եթե Մյասնիկյանի արձանի մոտ` ուրեմն ուզում է գցել երկրի վարկը: Մնացած տեղերում` իրա հերն էլ անիծած: Մնացած բոլոր տեղերում պետք է ձեթի-հացի-կարագի ու մնացած առաջին անհրաժեշտության ապրանքների գները բարձրացնենք, որ մի օգուտ էլ դրանցից լինի...

Էդպես էլի, իհարկե, չեն ասում, բայց անում են:

Էդպես է:

Բռնապետության մասին էլ չեն խոսում. իրականացնում են:

Կրիմինալի մասին էլ չեն խոսում. հաշվեհարդարներ են տեսնում:

Կոռուպցիայի մասին էլ չեն խոսում. զարգացնում են:

Արտոնությունների մասին էլ չեն խոսում. տրամադրում են:

Բռնություններ կիրառելու մասին եւս չեն խոսում. կիրառում են:

Իշխանությունը զավթելու մասին էլ չեն խոսում. զավթում են:

Թալանի մասին էլ չեն խոսում. թալանում են:

Ինչպես ասում են` վարվում են քաղաքակիրթ եւ դաստիարակված մարդկանց պես, որոնք եւս ուտելիս չեն խոսում:

Ուտում են: Ուտելիս:

...Բայց համենայնդեպս` խի ես իմ դեմ ման գալի...

Ու հետո. լավ եմ անում, որ բռնում եմ:

Եթե հանկարծ չբռնեմ հիմի` ման գալիս, էգուց կարող է եւ իմ դեմ քայլեք էլ, քնեք էլ, կոֆե էլ խմեք...

Ու էդ սաղ` իմ դեմ...

Փաստորեն:

Չեմ թողնի:

Ժիվոյ ժիզնում:

Որոնում

Արխիվ

Վերլուծական

Արման Գրիգորյան. «Վրաստանը կորցրեց անգամ ձեւական վերահսկողության հույսը»

- Պարոն Գրիգորյան, ես գիտեմ, որ դուք հակամարտությունների, այդ թվում ներքին հակամարտությունների եւ ինտերվենցիաների...

Քաղաքական

Քայլող եւ կանգնած ցուցապաստառներ

Հյուսիսային պողոտայում նախօրեին հայրենի իրավապահների կողմից անցկացված «շաբաթօրյակից» հետո, որի...

Աշխարհ

Վախճանվեց նախորդ դարի սպանության վկայագիրներից մեկը

81 տարեկանում երկարատեւ հիվանդությունից հետո ԱՄՆ-ի հարավում օգոստոսի 23-ին վախճանվեց ՊԱԿ-ի նախկին գործակալ...

Reproduction in whole or in part without permission is prohibited.