«Ժողովրդավարությունն ու բռնապետությունը անհամատեղելի են»

14:25 Yerevan | 10:25 GMT | Friday 28 March 2008

Քաղաքագիտության դոկտոր, «21-րդ դար» անկախ միջազգային ասոցիացիայի նախագահ Արկադի Վարդանյանը բաց նամակ է հղել Հայաստանի նախագահական ընտրությունները դիտարկող Եվրախորհրդի խորհրդարանական վեհաժողովի ժամանակավոր հանձնաժողովի նախագահ Ջոն Փրեսքոթին, որում փաստել է, որ Ջ.Փրեսքոթի հայտարարությունը մեծ դժգոհություն եւ խորը հիասթափություն է առաջացրել բազմահազար հայերի շրջանում ոչ միայն Հայաստանում:

Խոսքը Ջոն Փրեսքոթի այն առաջարկության մասին է, որով նա կոչ է անում իշխանություններին եւ ընդդիմությանը առաջնորդվել ՀՀ Սահմանադրական դատարանի որոշմամբ: Արտակարգ դրության պայմաններում ընդդիմության բողոքը եւ դրա վերաբերյալ ընդունած որոշումը Արկադի Վարդանյանը համարում է իշխանությունների կողմից ՍԴ-ի վրա գործադրված ակնհայտ ճնշման փաստ, որի անկողմնակալությունը չի կարող կասկածի տակ չդրվել: Անդրադառնալով ՍԴ-ում նախագահի թեկնածու Լեւոն Տեր-Պետրոսյանի կողմից բողոքին Արկադի Վարդանյանը հիշեցնում է, որ գործող վարչապետը կարող էր գրանցվել որպես նախագահի թեկնածու, եթե նա նաեւ նախագահի ժամանակավոր պաշտոնակատար լիներ. Սահմանադրության սույն պահանջը իմպերատիվ է եւ դիմող կողմը պահանջում էր ընտրությունների արդյունքները չեղյալ համարել, քանի որ Սերժ Սարգսյանը որպես թեկնածու անօրինական էր: Անօրինական էր նաեւ «ռազմական եւ արտակարգ դրության» պայմաններում նախագահի ընտրություններ անցկացնելը: Սակայն ՍԴ-ն իր վճռում չի անդրադարձել այդ կարեւոր փաստին: Ա.Վարդանյանը օրինաչափ է համարում որ իշխանությունների կոշտ եւ հանցավոր գործողությունները խաղաղ ցուցարարների նկատմամբ արժանացան միանշանակ խիստ բացասական արձագանքի համաշխարհային ԶԼՄ-ներով, ինչպես նաեւ հեղինակավոր իրավապաշտպան կազմակերպությունների եւ Եվրոպայի մի շարք ժողովրդավարական երկրների եւ ԱՄՆ-ի քաղաքական գերատեսչությունների կողմից:

Ա.Վարդանյանը Ջոն Փրեսքոթին հիշեցնում է, որ նրա հայտնի հայտարարությունը համընկավ ՀՀ Ազգային ժողովի կողմից հերթական հակասահմանադրական օրենքի ընդունմանը` երթեր, ցույցեր, հանրահավաքներ անցկացնելու վերաբերյալ օրենքում փոփոխություններ կատարելուն, որոնք ըստ էության գործող ռեժիմի կողմից արտակարգ դրությունը մշտապես լեգիտիմացնելու ու պահպանելու հարցը լուծեցին: Դրանով իսկ Քոչարյան-Սարգսյանական ռեժիմի անօրինական, հակաժողովրդավարական եւ ակնհայտ քրեականացված լինելու փաստը ամեն օր է արտահայտվում. արտակարգ դրության վերացումից հետո ոստիկանությունը կոպտորեն ցրել է մարտի 1-2-ին զոհված խաղաղ ցուցարարների հիշատակի ակցիային հավաքվածներին, Երեւանի փողոցներում լուռ բողոքի ակցիա անցկացնող մոմերով կանգնած կանանց նկատմամբ մահակներ եւ էլեկտրաշոկ է կիրառվել, տասնյակ մարդիկ ձերբակալվում են, ահաբեկվում են ոստիկանության բաժիններում` փաստել է իր բաց նամակում Ա.Վարդանյանը ընդգծելով, որ գործող ռեժիմի ամրապնդման հեռանկարը` Սադամ Հուսեյնի բռնապետության օրինակով, մեկնաբանությունների կարիք չունի. դա, անկասկած, լուրջ սպառնալիք է ժողովրդավարական սկզբունքների եւ խաղաղության նկատմամբ: Հայաստանյան ներքաղաքական ճգնաժամի խորացման պայմաններում` Ա.Վարդանյանը գտնում է, որ ամբողջ աշխարհի հայերը պետք է ապավինեն միայն եվրոպական ժողովրդավարական պետությունների եւ ԱՄՆ-ի աջակցությանը: Ա.Վարդանյանը արտահայտելով հարյուր հազարավոր հայրենակիցների կամքը` դիմում է Հայաստանի նախագահական ընտրությունները դիտարկող Եվրախորհրդի խորհրդարանական վեհաժողովի ժամանակավոր հանձնաժողովի նախագահ Ջոն Փրեսքոթին` կոչ անելով նրան Հայաստանի իրավիճակի վերաբերյալ անկողմնակալություն ցուցաբերելու հարցում արժանի ներդրում ունենալ Ստրասբուրգում ապրիլի 17-ին կայանալիք նստաշրջանի ընթացքում: Ա.Վարդանյանը նկատում է, որ չի կասկածում եվրոպացի պաշտոնյայի մոտ առկա այն համոզմունքի անկեղծությանը, որ ժողովրդավարությունն ու բռնապետությունը անհամատեղելի են, եւ որ իրական ժողովրդավարությունը հնարավոր է միայն այնտեղ, որտեղ իշխանությունը օրինական է, ընտրվում է ժողովրդի կողմից` ազատ եւ թափանցիկ:

հինգշաբթի, 28 օզոստոս 2008

«Ժողովրդավարությունն ու բռնապետությունը անհամատեղելի են»

14:25 Yerevan | 10:25 GMT | Friday 28 March 2008

Որոնում

Արխիվ

Վերլուծական

Արման Գրիգորյան. «Վրաստանը կորցրեց անգամ ձեւական վերահսկողության հույսը»

Քաղաքական

Քայլող եւ կանգնած ցուցապաստառներ

Աշխարհ

Վախճանվեց նախորդ դարի սպանության վկայագիրներից մեկը