Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

«Ու վրեն գրած` էսպես չի մնա»

14:44 Yerevan | 10:44 GMT | Wednesday 26 March 2008

Ինչ-որ տարօրինակ-տարօրինակ հավերժականության զգացում է պատել իշխանավորներին` վերեւից վար: Եթե դա հավատավոր-հավատացյալ-աստվածավախ մարդու ակնածանք ու հավատ լիներ` ուրախանալ էր պետք միայն:

Բայց սրանք ու~ր` հավատն ու~ր: Սրանց անհավատությունը զգլխել է անգամ հենց իրենց: Հավատք որ ունենային` եթե չիմանային էլ, ապա, գոնե, կզգային, որ վերջիվերջո` պատասխանատվության են ենթարկվելու: Եվ ոչ միայն իրենց արածների, այլեւ` չարածների, չմտածածների ու մտածածների համար էլ: Էդքանը գոնե կզգային ու վերջ կտային իրենց էդպիսի լկտի, ցինիկ, բարոյականության ցանկացած սահման ոտնահարող պահվածքին: Վերեւից` ներքեւ: Մանր ու մեծ չինովնիկներով, որոնցից ամեն մեկը իրեն եսիմ ինչ է երեւակայում: Մինչդեռ իրականում թուլի պոչ է ընդամենը:

...Եթե Լեւոն Տեր-Պետրոսյանը որոշի, ենթադրենք, Մատենադարանից Մաշտոցի պողոտայով ոտքով իջնել մինչեւ շուկա` հարյուր հազարավոր մարդիկ կհավաքվեն նրա թիկունքում:

Թող փորձի որեւէ ներկա իշխանավոր, վերեւից` վար, առանց զորախմբի ոտքով իջնի էդքան ճանապարհ...

Թող փորձի էլի...

Թող առանց զենք ու զորքի փորձի հարաբերվել ժողովրդի հետ:

Չէ, ոնց կլինի:

Տանն էլ են զորք պահում:

Աստված իրենց հետ էլ: Թող պահեն:

Բայց չիմանալը չի ազատում պատասխանատվությունից:

Ինչպես հայերենի չիմացությունից, միեւնույն է, նրա օրենքներն ու կանոնները չեն փոխվում, այնպես էլ անհավատ, տգետ ու լպիրշ լինելը «չի նպաստում» Աստծո կողմից աշխարհիս վրա դրված գրված ու չգրված օրենքների զրոյացմանը:

Էդ օրենքները կան ու կլինեն: Ու կաշխատեն անխափան: Անկախ դրանց չիմացությունից:

Ու այդ օրենքներից ամենակարեւորն էլ ամեն ինչի անցավորության օրենքն է, որը փոփոխություններ էլ է ենթադրում: Այնպես որ` ինչպես կասեր դասականը, մի օր դու ես թամբի վրա, մի օր` թամբն է քո մեջքին: Անպայման:

Էնպես որ` քանի դեռ թամբի վրա ես, ճիշտ կլինի պատկերացնել նաեւ էդ թամբի ծանրությունն ու քո նվաստ վիճակը` թամբի տակ: Ու նաեւ` որ էդ թամբը, կարող է, պարզապես, մեխեն էլ վրեդ:

Մտածեք վաղվա օրվա մասին:

Որոնում

Արխիվ

Վերլուծական

«Ընդհանուր սահմա՞ն», թե՞ «ցամաքային կապ»

Ղարաբաղյան հակամարտության կարգավորմանն առնչվող հայտարարությունների պակաս վերջին օրերին չի զգացվել:

Քաղաքական

Այսօր: Մատենադարանի մոտ: 19.00

Սիրելի հայրենակիցներ Այսօր, ժամը 19-ին ՄԱՏԵՆԱԴԱՐԱՆԻ մոտ Համաժողովրդական Շարժումը հրավիրում է համահանրապետական ՀԱՆՐԱՀԱՎԱՔ...

Աշխարհ

Ի՞նչ է գոռացել. գուցե` «առաջ, Հայաստա՞ն»

Երեւանի Կենտրոն եւ Նորք-Մարաշ համայնքների ընդհանուր իրավասության դատարանում երեկ շարունակվեց ԱԺ պատգամավոր...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.