Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Հարցազրույց

Պաշտպանյալը «նյարդանու՞մ է»

11:49 Yerevan | 7:49 GMT | Tuesday 25 March 2008

Է.Գ.

Երեւանում արտակարգ դրության վերացումից հետո, փաստացի, մայրաքաղաքի կենտրոնը շարունակում է մնալ ոստիկանական հատուկ ստորաբաժանումների աշխատակիցների խիստ հսկողության ներքո, ինչը մայրաքաղաքի բնակիչները այս կերպ են որակում՝ «իրավապահները կենտրոնը բռնազավթած են պահում», «մեր մայրաքաղաքի կենտրոնում թույլ չեն տալիս զբոսնել» եւ այլն:

Երեք-չորս օր է, ինչ ընդդիմադիր հայացքներ ունեցող բազմաթիվ քաղաքացիներ երեկոյան ժամերին հավաքվում են Ազատության հրապարակի շրջակայքում՝ զբոսնելու, սակայն ոստիկանության աշխատակիցները, ըստ էության՝ ժամերով հետեւում, բերման են ենթարկում, հալածում են զբոսնող մարդկանց` մեկ հորդորելով չկուտակվել, մեկ` չքայլել: Այսինքն` Հայաստանի Հանրապետության քաղաքացիները չեն կարողանում օգտվել ՀՀ Սահմանադրությամբ ամրագրված՝ ազատ տեղաշարժվելու իրենց իրավունքից: Ինչ վերաբերում է Օպերայի հրապարակին, ապա այն մարտի 20-ից հետո էլ՝ մայրաքաղաքի բնակիչների տպավորությամբ արտակարգ դրության պայմաններում է՝ մահակներով եւ վահաններով զինված իրավապահներ են լցված:

Մարտի 23-ին երեկոյան Կենտրոնի ոստիկանության աշխատակիցները մոտեցել էին Ազատության հրապարակի շրջակայքում զբոսնող Դավիթ Շահնազարյանին, ծանուցագիր էին ներկայացրել ստորագրելու՝ երկուշաբթի օրը Կենտրոնի ոստիկանություն ներկայանալու մասին, սակայն Դ.Շահնազարյանը հրաժարվել էր ստորագրել ծանուցագիրը, նշել էր, որ ի գիտություն է ընդունում: Երեկ առավոտյան «ԺԵ»-ի տեղեկություններով Դ.Շահնազարյանը փաստաբանի հետ գնացել է Կենտրոնի ոստիկանություն, որտեղ անցկացրել է շուրջ 40 րոպե, նրան ասել են, որ ինչ-որ ոստիկանների զեկուցագրերի, ցուցմունքների հիման վրա են իրեն հրավիրել ոստիկանություն: Դ.Շահնազարյանը գրել է, որ ոչ մի մեղադրանք չի ընդունում, ցուցմունք տալուց, հարցերին պատասխանելուց ընդհանրապես հրաժարվել է` փաստելով, որ այդ ամենը քաղաքական հետապնդում է իր նկատմամբ: Մեր տեղեկություններով` ոստիկանությունը վարչական վարույթով պետք է մտնի դատարան այս հարցով:

Երեկ երեկոյան Դավիթ Շահնազարյանը զբոսնում էր Հյուսիսային պողոտայում, նրանից մեկնաբանություն խնդրեցինք կատարվածի վերաբերյալ. «Ամսի 21-ից սկսած քաղաքի կենտրոնում Քոչարյանի հրահանգով ոստիկանությունը ծավալում է ամբողջությամբ հակաօրինական գործողություններ: Ինչպես Քոչարյանը կազմակերպեց մարտի 1-ի հանցագործությունները եւ ողջ անկարգությունները, այժմ էլ նրա հրահանգով ոստիկանությունը այս անօրինական գործողություններն է իրականացնում», - հայտարարեց Դ.Շահնազարյանը` հավելելով. «Իշխանությունները սարսափած են ժողովրդից: Սա ՀՀ բոլոր քաղաքացիների, ամբողջ հայ ժողովրդի պայքարն է իշխող ռեժիմի դեմ, ինչը Քոչարյանը փորձում է վերածել իրավապահ մարմինների, բանակի եւ ժողովրդի միջեւ պայքարի, բայց դա նրան բացարձակապես չի հաջողվի, որովհետեւ ժողովուրդը ոչ թե իրավապահ մարմինների, այլ այս հանցագործ ռեժիմի դեմ է»:

Որոնում

Խմբագրի ընտրանին

• Այն, ինչ քթի տակ է
• Որ տարածքները չդիտվեն որպես «մանրադրամ»
• Ավա՞նդ, թե՞ ավանս
• Հայաստանը հե՞տ է տալիս, թե՞ առաջ է ուզում գնալ
• Ի՞նչ անել ներսում
• «Հասել է Մոսկվայի` հակամարտությունների միջոցով ազդեցությունը պահպանելու քաղաքականության վերջը»
• Փոխել status quo-ն, եթե կա պետությունն ամրացնելու ցանկություն
• Ի՞նչն է տեղի տվել
• Հնձել ցանածը
• Ի՞նչ է Թուրքիայի ուզածը

Վերլուծական

Եթե թողնեն բանալին

Որ Հայաստանում արտահերթ ընտրության համար հիմքերի բացակայության մասին դատողություններն իրենք են անհիմն` դրանում...

Քաղաքական

Փաստահավաք խմբի զեկույցը մարտիմեկյան դեպքերին բանակի մասնակցության մասին կլինի

Փաստահավաք խմբի ընդդիմադիր անդամները, ինչպես հայտնի է, աշխատում են իրենց թվով 5-րդ` վերջնական զեկույցի վրա:

Աշխարհ

Յոթ երգ` ութ բանի մասին

Արժույթի միջազգային հիմնադրամի առաքելության ղեկավար Մարկ Լյուիսը երեկ, փաստորեն, արդարացրել է Հայաստանի...

Արխիվ

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Հարցազրույց

Copyright © 2004–2010 — “Zhamanak” Armenian-American Political Daily. All rights reserved.

Reproduction in whole or in part without permission is prohibited.