Սգո մոմավառություն

11:40 Yerevan | 7:40 GMT | Tuesday 25 March 2008

Արաքսյա Մելքումյան

Այսօր մեզանից յուրաքանչյուրի հոգին պարուրված է դառնաթախիծ մի տխրությամբ: Եթե մի պահ մտքով հպարտանում ես հայ լինելու, հայրենիք ունենալու, աշխարհին ազգիդ մեծությամբ ներկայանալու կարողությամբ, նույն վայրկյանին սիրտդ խոցվում է իրականության պատկերներով, որ հաճախ զարմացնում է իր սահմռկեցուցիչ հետքերով:

Երբ ողջ աշխարհը սրտի թրթիռով գարնան առաջին օրն էր նշում, մենք ողբում էինք մեզ բաժին հասած բախտի համար:

Ասում եմ բախտ ու մի ակնթարթ կանգ առնում՝ ինչ բախտ, այդ մենք ենք, այդ մեր հայ եղբայրն է, որ ձեռք է բարձրացրել ազգակցի դեմ: Եվ ինչու՞... Հենց այստեղ է, որ առավել ես սարսափում. նա ուզում է կտրել արդարության ձայնը, լռեցնել իր երկիրը ազատ ու արդար տեսնելու պահանջի խոսքը: Երկու իրարամերժ լուրեր միաժամանակ ընդունում է ուղեղդ: Առաջինը՝ Հայաստան, Երեւան, մոմերով երթ՝ ի հիշատակ զոհված անմեղ մարդկանց: Կառավարությունը թվացյալ հանդարտությամբ դիմանում է, բայց ներքուստ եռում ու նենգորեն շարունակում է իր դաժան գործը:

Եվ դարձյալ եռացող ժողովուրդ, վախ, անհանգստություն վաղվա օրվա հանդեպ եւ, որ ամենաահավորն է` վախ կողքինիդ հանդեպ, միգուցե նա էլ է հանձնարարական ստացած ոստիկան՝ հերթական զոհը բռնելու մարմաջով:

Ցույց է նաեւ հեռավոր Գլենդելում: Ցավ ապրող հայերի մի մեծ բազմություն` վառվող մոմերով, աղոթքը շուրթերին, լուռ տխրությամբ իրենց համերաշխությունն են հղում Հայաստան աշխարհի այն հայերին, որոնց նպատակը մեկն է. ունենալ ազատ, անկախ, արդար հայրենիք:

Օտար հողի վրա հայը այսօր ավելի ազատ ու առանց վախի կարող է արտահայտել իր ցանկությունը, քան սեփական հողի վրա ապրող հայը: Մտքերիս ապացույցը տեսաֆիլմերն են՝ իրար հակադիր երկու պատկերներով:

Եվ հենց դա է մեզ առավել ցավ տալիս, ստիպում ամեն նյարդով զգալ, որ մարդը որպես մարդ կարող է ապրել միայն այն հողի վրա, որն ունի շիտակ, հայրենասեր առաջնորդ, ժողովրդի շահը ամեն ինչից վեր դասող անհատ: Իսկ որ ամենակարեւորն է` երբեք հնարավոր չէ լռեցնել արդարություն պահանջող ժողովրդի ձայնը:

շաբաթ, 4 հուլիս 2009

Սգո մոմավառություն

11:40 Yerevan | 7:40 GMT | Tuesday 25 March 2008

Արաքսյա Մելքումյան

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Քաղաքական

Լեգիտիմությունն է գտնում տիրոջը

Աշխարհ

Մերձավոր Արեւելքը` շարժման մեջ