Պետությունը մեռավ, պարոնայք երդվյալ ատենակալներ: Բայց ազգը դեռ կա

11:59 Yerevan | 7:59 GMT | Friday 21 March 2008

Պետությունը...մեռավ:

Հըլը մի բան էլ ավել: Ու ոչ թե երեւի, այլ` հաստատ:

Դրանից ավել չի՞ լինում: Լինում է: Երբ որ «վրեն» տարի, մի քանի տարի, մեկ տասնամյակ է անցած լինում: Ու մի էդքան տարի էլ խոտ է աճած լինում գերեզմանին: Պետությունների դեպքում` հիմնականում մոլախոտ:

Օծյալ փրկչի մարդեղենացումից դարեր առաջ ծնված Կոնֆուցիուսի զրույցներից մեկն իր աշակերտների հետ.

Ցզի Գունը հարցրեց, թե որն է լավ կառավարությունը:

Կոնֆուցիուսը պատասխանեց.

- Դա այն կառավարությունն է, որը երաշխավորում է առատ սնունդ, ապահովում երկրի անվտանգությունը թշնամիներից եւ հոգ է տանում այն մասին, որ ժողովուրդը հավատա իրեն:

Ցզի Գունը կրկին հարց տվեց.

- Եթե անհրաժեշտ լինի այդ երեքից միայն երկուսը թողնել, ապա ո՞ր մեկից կարելի է հրաժարվել:

- Բանակից, - ասաց Ուսուցիչը:

Ցզի Գունը հարցրեց.

- Եթե հարկ լինի մնացած երկուսից մեկը թողնել, ապա որի՞ց կարելի է հրաժարվել:

Կոնֆուցիուսը պատասխանեց.

- Սննդի մասին հոգալուց: Առանց սննդի մարդիկ կմեռնեն, բայց մահը, ի վերջո, բոլորի ճակատագիրն է: Իսկ եթե ժողովուրդը չհավատա իր կառավարությանը, այդ ժամանակ կմեռնի պետությունը:

Էղա՞վ:

Բայց սա` պետության «մասով»: Միայն: Բա ժողովուրդը:

Ժողովուրդն, անշուշտ, կարող է ոչ միայն վերածնել պետությունը, այլեւ ստեղծել նորը:

Մերոնք գնում են, կարծես, նորը ստեղծելու ճանապարհով: Որը ամենաուղիղ ճանապարհն է: Հնի վերածնունդը ոչ մի լավ բան չի խոստանում. էնպես որ` ճիշտը նորը ստեղծելն է: Ու էն արժեքներով, որոնք համաքրիստոնեական են ու համամարդկային:

Էնպես որ` պետության մահը ողբերգություն չէ դեռեւս: Որովհետեւ ժողովուրդն ինքը կարող է ստեղծել իր պետությունը:

Այ, ժողովրդի մահն, իսկապես, վերջն է:

Ու` ամեն ինչի:

Որոնում

Արխիվ

Վերլուծական

Մտավորականություն կոչվածը` բարոյալքման գործոն

1990-ականներին Հայաստանում ժողովրդավարական բարեփոխումների ձախողման եւ ավազակապետական...

Քաղաքական

Հերթական անակնկալը

Հյուսիսային պողոտայում երեկ «քաղաքական զբոսանքի» մասնակիցների համար ցնծության օր էր:

Աշխարհ

Եվ դարձյալ հայ-թուրքական թեմայով

Սեպտեմբերի 2-ին ՀՀ առաջին նախագահ Լեւոն Տեր-Պետրոսյանի հրավիրած մամլո ասուլիսի ընթացքում լրագրողներից մեկը նրան մի հարց...

Reproduction in whole or in part without permission is prohibited.