«Ես լինելու եմ բոլորի նախագահը` ինձ ձայն տվողների եւ չտվողների»

12:48 Yerevan | 8:48 GMT | Friday 14 March 2008

Երեկ նորից փակ էր Մալաթիայի մթերքի շուկայի հարեւանությամբ գործող, այսպես կոչված երկաթի տոնավաճառը: Մալաթիայի տոնավաճառի այս հատվածը առաջին անգամ փակվեց նրա տիրոջ` ԱԺ պատգամավոր Հակոբ Հակոբյանի (Լեդի Հակոբ) ձերբակալությունից հետո: Օրեր անց, չգիտես ում հրահանգով, այն վերաբացվեց: Երեկ նորից փակեցին: Մեր այցելության պահին ճաղավանդակի մոտ հավաքված էր վաճառողների մի խումբ: Նրանք միաձայն պնդում էին, որ այդպիսով իշխանությունները վրեժ են լուծում սեփականատիրոջից. «Հետո էլ ժողովրդավարությունից կխոսան ու մարդու իրավունքներից: «Ուրեմն էդ մարդը իրավունք չունի ասելու ինձ Լեւոնի ծրագիրը ավելի է դուր գալիս ու իրան ընտրեր: Կամ տոնավաճառը ի՞նչ կապ ունի ընտրությունների հետ: Եթե մարդը տեղը տեղին նալոգը տալիս էր, ձեր ի՞նչ գործ, թե ում կընտրի: Իսկ եթե նալոգ չէր տալիս, ուրեմն շուտ փակեիք: Բացի դա` մեզ են զրկել մի կտոր հացի փողից, մե՞նք ինչ կապ ունենք էս ամենի հետ»` ասում էր նրանցից տարեցը: Շուկայում եղած ժամանակ բացահայտեցինք մի զավեշտալից փաստ` ինչ-որ մեկի հրահանգով փակել էին նաեւ գյուղմթերքի շուկային սպասարկող... զուգարանները: «Տղա ջան կներես, երեխուս տարիքին ես, դրա համար ասում եմ` Աստված չանի, եթե Լեւոնը համաձայնի Սերժին թողնի նախագահ, էս շուկայի նման Սերժին ձեն տվողն էլ, չտվողն էլ չիշիկ են անելու տակները»` ասաց խաղող վաճառող Վարսենիկ տատիկը: Համոզվելու համար փորձեցինք մտնել զուգարան, որը ժամը 13.15-ին փակ էր: Հիշեցնենք, որ այս շուկայի սեփականատերը նույնպես Հ.Հակոբյանն է:

Որոնում

Արխիվ

Վերլուծական

Արման Գրիգորյան. «Վրաստանը կորցրեց անգամ ձեւական վերահսկողության հույսը»

- Պարոն Գրիգորյան, ես գիտեմ, որ դուք հակամարտությունների, այդ թվում ներքին հակամարտությունների եւ ինտերվենցիաների...

Քաղաքական

Քայլող եւ կանգնած ցուցապաստառներ

Հյուսիսային պողոտայում նախօրեին հայրենի իրավապահների կողմից անցկացված «շաբաթօրյակից» հետո, որի...

Աշխարհ

Վախճանվեց նախորդ դարի սպանության վկայագիրներից մեկը

81 տարեկանում երկարատեւ հիվանդությունից հետո ԱՄՆ-ի հարավում օգոստոսի 23-ին վախճանվեց ՊԱԿ-ի նախկին գործակալ...

Reproduction in whole or in part without permission is prohibited.