Մեզնից յուրաքանչյուրն էլ իր եղբոր պահակն է

0:57 Yerevan | 20:57 GMT | Thursday 6 March 2008

Կայենը երեք մեծ ու ճակատագրական սխալ է գործել. եթե ժամանակագրական կարգով` եղբորը սպանելը, ապա չքմեղանալն Աստծո առջեւ, որ նույնն է, թե նրան խաբել փորձելը եւ երրորդը, որի լուծն էլ այսօր կրում ենք` սերունդներ ունենալը:

Բայց եթե ԳԻՐՔԸ Ադամի, Աբելի եւ Սեթի սերունդներին չի հիշատակում հականե-հանվանե, ապա նրա սերունդներին` հակառակը, հիշում է եւ հիշեցնում ամենայն մանրամասնությամբ` որպես զգուշացում երեւի թե: Որպես զգոնության կոչ եւ կոչնակ:

Որպեսզի կյանք տվողը ջոկվի մարդասպանից: Բայց դարեր են անցել ու ամեն ինչ այդ նույն դարերի ընթացքում խառնվել է իրար: Ավելի շուտ` մենք ենք խառնել: Ու ստացվել է այն, ինչ ստացվել է:

Կայենն ասել է աշխարհիս ամենադաժան խոսքը. «Մի՞թե ես իմ եղբոր պահակն եմ», ու մարդասպանությանը հետեւել է անմիջապես դրանից մի փոքր միայն թեթեւ անտարբերություն, անպատասխանատվություն եւ անհոգություն կոչվող հետեւանքը: Որը գրեթե համարժեք է առաջինին` բայց միայն հոգեւոր ոլորտում:

Վազգենը միշտ էլ պատասխան էր տալիս իր եղբոր համար ու միշտ էլ պահապան էր իր եղբորը: Ով ուզում է լիներ վերջինս: Վազգենի եղբայրությունը նրան եւս եղբայր էր դարձնում:

Պատասխանատու:

Պահակ իր եղբորը:

Ու այդպես 41 տարի ապրեցինք Վազգենի հետ, եւ արդեն 9 տարի է` ապրում ենք առանց նրա:

...Երեկ չէ առաջին օրը կամ, առավելագույնը, մեկ շաբաթ առաջ Հուլիոս Կեսարը ցավով տնքաց. «...եւ դու՞, Բրուտոս»: Կրկնեմ եւ ընդգծեմ` «ցավից» չէ` «ցավով»:

Դրանից մի քիչ հետո Վազգենը տարակուսած հարցրեց. «Սրանք էս ովքեր են»: Ու հարցը դրանց չէր ուղղված ու վերաբերում եւ ոչ էլ, անգամ, դրանց ուղարկողներին: Ինքն իրեն էր երեւի թե տալիս այդ հարցը:

Գտա՞վ պատասխանը: Ո՞վ գիտի:

Մեծերից մեկն այսպիսի մի պարադոքս է ձեւակերպել. «Անմահության կարեւորագույն նախապայմանը` մահն է»: Բայց ոչ առաջինն է մեր ընտրությամբ, ոչ էլ վերջինը:

Մինչ այդ է մեր ընտրության տիրույթը:

Ու երեւի թե հենց ըստ դրա էլ տրվում է թե մահը, թե անմահությունը:

Այսօր Վազգենի ծննդյան օրն է:

Ծնունդդ շնորհավոր, Վազգեն:

Որոնում

Արխիվ

Վերլուծական

Արման Գրիգորյան. «Վրաստանը կորցրեց անգամ ձեւական վերահսկողության հույսը»

- Պարոն Գրիգորյան, ես գիտեմ, որ դուք հակամարտությունների, այդ թվում ներքին հակամարտությունների եւ ինտերվենցիաների...

Քաղաքական

Քայլող եւ կանգնած ցուցապաստառներ

Հյուսիսային պողոտայում նախօրեին հայրենի իրավապահների կողմից անցկացված «շաբաթօրյակից» հետո, որի...

Աշխարհ

Վախճանվեց նախորդ դարի սպանության վկայագիրներից մեկը

81 տարեկանում երկարատեւ հիվանդությունից հետո ԱՄՆ-ի հարավում օգոստոսի 23-ին վախճանվեց ՊԱԿ-ի նախկին գործակալ...

Reproduction in whole or in part without permission is prohibited.