Ահազանգում են պատգամավորները

23:07 Yerevan | 19:07 GMT | Tuesday 4 March 2008

ՀՀ Ազգային ժողովի «Ժառանգություն» խմբակցության պատգամավորներ` Լարիսա Ալավերդյանը եւ Զարուհի Փոստանջյանը երեկ արտակարգ հայտարարություն են տարածել մարտի 2-ին ԱԺ պատգամավորներ Մյասնիկ Մալխասյանի եւ Հակոբ Հակոբյանի ձերբակալությունների առիթով:

Հայտարարության մեջ ասված է, որ Լ.Ալավերդյանի եւ Զ.Փոստանջյանի բոլոր ջանքերը` այցելել նախնական կալանքի մեկուսարանների խցեր կամ ՀՀ ոստիկանության 6-րդ վարչության նախնական պահման վայրեր, ինչպես նաեւ Երեւան քաղաքի դիահերձարաններ ապարդյուն են անցել. նրանց առջեւ խոչընդոտներ են ստեղծվում, ինչը հանդիսանում է ԱԺ պատգամավորի իրավունքների կոպիտ ոտնահարում: Բացի այդ, հայտարարության հեղինակները տեղեկացնում են, որ բազմաթիվ փաստաբանների կողմից ստացված տեղեկությունների հիման վրա կարող են պնդել, որ նախնական կալանքի բանտախցերում այս պահին մեծ քանակությամբ մարդիկ են պահվում` ֆիզիկական բռնության ակնհայտ հետքերով, ինչի պատճառով էլ, թերեւս, «Ժառանգության» պատգամավորներին թույլ չեն տալիս այցելել նախնական կալանքի բանտախցեր: Պատգամավորները անհանգստացած են, որ իրավապահները թե ձերբակալվածների նկատմամբ մտադիր չեն անաչառ քննություն վարել եւ թե զոհվածների դեպքում: Վերոնշյալից ելնելով «Ժառանգության» պատգամավորները դիմում են միջազգային հանրությանը` ի դեմս ԵԱՀԿ-ի եւ ԵԽԽՎ-ի դիտորդական առաքելությունների, պահանջելով ապահովել միջազգային փորձագետների մասնակցությունը փորձագիտական հետագա միջոցառումներին:

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Ինչպես հայտնի է, ամեն ինչ համեմատության մեջ է երեւում: Չնայած որեւէ արտահայտություն, այդ թվում եւ վերը նշվածը, չի կարող լինել...

Քաղաքական

Լեգիտիմությունն է գտնում տիրոջը

«Գրողը չէ, որ գրելիք է փնտրում: Գրելիքն է փնտրում գրողին»: Այդ տողերի հեղինակն...

Աշխարհ

Մերձավոր Արեւելքը` շարժման մեջ

Հանճարեղ ելույթները հաճախ թերագնահատում են` համարելով պարզ խոսքեր: Իրականում դրանք կարող են լրջագույն հետեւանքներ...

Reproduction in whole or in part without permission is prohibited.