Լեւոն Խեչոյան. «Կաթողիկոսը մերժվածի մոտ պիտի գնար»

15:37 Yerevan | 11:37 GMT | Thursday 28 February 2008

Ժողովուրդը մի աներեւույթ բան է գտել, որ իր հոգու հետ համապատասխանում է:

Եվ ժողովուրդը հրապարակը չի լքի: Որովհետեւ ինքը ինչի մասին որ երազում էր, տեսնում է այդ խարիզմատիկ առաջնորդի մեջ:

Եվ ժողովուրդը գնալու է նրա հետեւից:

Կուզենայի, որ ունենայինք նաեւ այնպիսի հոգեւոր առաջնորդ, որին վստահեր ժողովուրդը ու գնար նրա հետեւից:

...Գուցեեւ ընդունելի է, որ կաթողիկոսը շնորհավորեց Սերժ Սարգսյանին, բայց նա պիտի գնար նաեւ ժողովրդի մոտ:

Եվ եթե գնար հրապարակ, կարող էր եւ միջնորդ հանդիսանալ, որ հարցը խաղաղ լուծվեր:

Մարդուն պիտի խնայենք:

Իսկ մարդուն ո՞վ կարող է խնայել:

Հոգեւորականը:

...Շահումյանը կորցնելու օրերն էին: Ժողովուրդը նահանջելով հետ էր գալիս: Մարդ չէր մնացել: Թիկունքում` ժողովրդին պահող ջոկատներն էին մնացել: Այդ օրը անձրեւի տակ, անտառների մեջ մի հոգեւորականի տեսա` գլուխը բաց, երկար փարաջայով, որի փեշերը թաց ու ցեխոտ էին: Երիտասարդ հոգեւորական էր: Բոլորը նահանջել էին, ինքը` անտառում էր: Ասացի` ի՞նչ ես անում, Տեր հայր, ժողովուրդը գնացել է: Ասաց` մարդ եմ փնտրում, ծառերի տակ մեկը մնացած չլինի: Վիրավոր, անօգ:

Ինձ համար հոգեւորականը նա է:

Աստծուն ճանաչում էր ինքը, իր հոտն էր ուզում փրկել` մինչեւ վերջին մարդը: Էդպիսին պիտի լինի հոգեւոր հովիվը:

...Հիմա` կաթողիկոսը Ազատության հրապարակում պիտի փնտրեր մարդուն: Տեսներ, թե որեւէ ոստիկանի մահակի տակ, որեւէ տեղ հո մարդ չի՞ մնացել: Առավել եւս` այդքան հացադուլավոր կար: Ո՞վ պիտի այդ հացադուլավորներին տեր կանգներ, սփոփեր իր աղոթքով, որ թեթեւ լիներ նրանց հացադուլը:

Կաթողիկոսը մերժվածի մոտ պիտի գնար:

Այսօր մերժվածը ժողովուրդն է:

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Ինչպես հայտնի է, ամեն ինչ համեմատության մեջ է երեւում: Չնայած որեւէ արտահայտություն, այդ թվում եւ վերը նշվածը, չի կարող լինել...

Քաղաքական

Լեգիտիմությունն է գտնում տիրոջը

«Գրողը չէ, որ գրելիք է փնտրում: Գրելիքն է փնտրում գրողին»: Այդ տողերի հեղինակն...

Աշխարհ

Մերձավոր Արեւելքը` շարժման մեջ

Հանճարեղ ելույթները հաճախ թերագնահատում են` համարելով պարզ խոսքեր: Իրականում դրանք կարող են լրջագույն հետեւանքներ...

Reproduction in whole or in part without permission is prohibited.