Կարմրել եմ... Կարմրել ես... Կարմրել է...

15:35 Yerevan | 11:35 GMT | Thursday 28 February 2008

Մարինե Խառատյան

Երեկ Ազգային ժողովում ԱԺ-կառավարություն հարցուպատասխանից հետո վարչապետ Սերժ Սարգսյանի հետ մեր զրույցը, եթե իհարկե դա կարելի է զրույց անվանել, մի քիչ անսպասելի վերջաբան ունեցավ. վարչապետը թարս չափեց մեզ ու հեռացավ: Դրա համար այն ներկայացնում ենք առանց խմբագրական էական միջամտության:

- Պարոն Սարգսյան, ինչպե՞ս եք գնահատում, որ երեկ Ձեր ցուցարարների մեծ մասը միացավ Լեւոն Տեր-Պետրոսյանի միտինգին, փաստորեն Ձեր կողմնակիցները լքեցին Ձեզ երեկ:

- Աղջիկ ջան, դու գոնե էթիկայի մի քիչ բան ունեցի, էլի: Ճիշտ չի, հասկանում ես:

- Դե, ես աչքովս եմ տեսել, պարոն Սարգսյան:

- Աղջիկ ջան, ես քեզ ուրիշ բան եմ ասում, ես Հայաստանի Հանրապետության վարչապետն եմ, չէ՞:

- Այո:

- Գիտես` ես որտեղ եմ հարցազրույց տալիս, հիմա ի՞նչ ես կպել ինձ:

- Դե «Ազատության» հարցերին պատասխանում եք, իմ հարցին...:

- Ի՞նչ ես կպել ինձ:

- Չեմ կպել, չեք ուզում պատասխանել, ասեք` պատասխան չունեմ:

- Ես էնքա~ն պատասխան ունեմ, մի կարմրի:

- Ես չեմ կարմրում:

- Փիս ես կարմրում:

- Դուք էլ` էնպես ոչինչ:

Սրանից հետո վարչապետը լրագրողների ներկայությամբ ինձ մեկ րոպե թարս նայեց ու, շրթունքները սեղմելով, հեռացավ:

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Ինչպես հայտնի է, ամեն ինչ համեմատության մեջ է երեւում: Չնայած որեւէ արտահայտություն, այդ թվում եւ վերը նշվածը, չի կարող լինել...

Քաղաքական

Լեգիտիմությունն է գտնում տիրոջը

«Գրողը չէ, որ գրելիք է փնտրում: Գրելիքն է փնտրում գրողին»: Այդ տողերի հեղինակն...

Աշխարհ

Մերձավոր Արեւելքը` շարժման մեջ

Հանճարեղ ելույթները հաճախ թերագնահատում են` համարելով պարզ խոսքեր: Իրականում դրանք կարող են լրջագույն հետեւանքներ...

Reproduction in whole or in part without permission is prohibited.