Հակասության մեջ չեն մտնում, որովհետեւ... մեջն են

15:30 Yerevan | 11:30 GMT | Thursday 28 February 2008

Մարինե Խառատյան

ՀՀ առեւտրի եւ տնտեսական զարգացման նախարար Ներսես Երիցյանը վերջերս աշխատանքից ազատեց նախարարության երկու բարձրաստիճան պաշտոնյաների` Եվրամիության եւ ԱՀԿ հետ համագործակցության վարչության պետ Վահագն Ղազարյանին եւ Արտաքին տնտեսական համագործակցության եւ ներդրումային քաղաքականության վարչության բաժնի պետ Զոհրակ Հովհաննիսյանին` Հայաստանի ներքաղաքական իրավիճակի մասին հայտարարությամբ հանդես գալու համար: Նույն պատճառով աշխատանքից ազատվելու սպառնալիքի ներքո է եղել նախարարության մեկ այլ աշխատակից` Ակնագործության եւ ոսկեգործության զարգացման գործակալության աշխատակից Արման Սարուխանյանը: Վերջինս, սակայն, հրաժարվել է իր ստորագրությունից` այդպիսով պահպանելով աշխատանքը: Հայաստանում տեղ գտած բռնատիրական դրսեւորումների առթիվ երեկ ԱԺ-ում զրուցեցինք առեւտրի եւ տնտեսական զարգացման նախարար Ներսես Երիցյանի հետ:

- Պարոն Երիցյան, երեկ լսու՞մ էիք Սերժ Սարգսյանի` Հանրապետության հրապարակում ունեցած ելույթը:

- Այո, եւ հարթակից:

- Լսեցի՞ք, որ նա խոսեց հանդուրժողականության, տեսակետ արտահայտելու ազատության եւ այլնի մասին:

- Լսել եմ:

- Այդ դեպքում ինչո՞վ եք բացատրում, որ Ձեր աշխատակիցներին ազատեցիք աշխատանքից` տեսակետ արտահայտելու համար: Հակասության մեջ եք մտնում վարչապետի խոսքերի հետ, փաստորեն:

- Ոչ, ես ուղղակի պարտավոր եմ կատարել օրենքը: Նախ` ազատվածներից մեկի կուսակցական պատկանելությունը մշտապես հայտնի է եղել եւ հարգվել է: ՀՀՇ-ի անդամ է եղել մշտապես Զոհրակը: Բայց նա որոշել է ակտիվ քաղաքականությամբ զբաղվել:

- Քաղաքականությամբ զբաղվելը նշանակում է քաղաքական ելույթներ ունենալ: Նման բան չի եղել:

- Ինքը հայտարարությամբ է հանդես եկել:

- Հայտարարության մեջ որեւէ քաղաքական գնահատական չկա, դա քաղաքացիական գնահատական է:

- Ոչ, կա, քաղաքական գնահատական է եւ ինքը եկել, հաստատել է այդ քաղաքական հայտարարությունները եւ խախտել է զսպվածությունը քաղծառայողի: Առաջինը (Վահագն Ղազարյանը.- Մ.Խ.) մի քանի կարգապահական տույժերի է ենթարկվել, եւ մենք եղել ենք իրենից ազատվելու գործընթացում: Իսկ երրորդը չի ազատվել, երրորդի հարցով հանձնաժողով է ստեղծվել, ոովհետեւ ինքը հայտարարել է, թե ուղղակի ստորագրել էր առանց գիտակցելու, թե ինչ է ստորագրում: Այսինքն` հանդուրժողականության կամ անհանդուրժողականության մասին խոսք չկա էստեղ:

- Լավ, իսկ Սերժ Սարգսյանն ինչպե՞ս է դրան վերաբերվում: Ձեզ չի՞ հարցրել` ինչու եք նման քայլ անում:

- Ոչ, ես ինքնուրույն եմ այդ որոշումները կայացրել:

- Այնուամենայնիվ հակասության մեջ եք մտել Սերժ Սարգսյանի ասածների հետ, Ես Հանրապետության հրապարակում բոլորովին այլ բան էի լսում:

- Մենք իրավունք չունենք օրենքի հետ հակասության մեջ մտնել:

- Ձեր քայերով, փաստորեն, ավելացնում եք Սերժ Սարգսյանի քաղաքական ախոյանի բանակը:

- Ոչ, օրենքների հետ հակասության մեջ կառավարությունը չի կարող մտնել եւ մասնավորապես ես:

հինգշաբթի, 20 դեկտեմբեր 2008

Հակասության մեջ չեն մտնում, որովհետեւ... մեջն են

15:30 Yerevan | 11:30 GMT | Thursday 28 February 2008

Մարինե Խառատյան

Որոնում

Արխիվ

Վերլուծական

Որտեղի՞ց են ծանոթ նրանց դեմքերը

Քաղաքական

Վարչապետը սպառնալիք է ստեղծել լրագրողի համար

Աշխարհ

Գլոբալիզացիան շարունակվում է