Պահանջում ենք հրաժարվել

14:59 Yerevan | 10:59 GMT | Thursday 28 February 2008

Հայաստանյայց Առաքելական Սուրբ Եկեղեցին իր բազմադարյա գոյության ընթացքին ձգտել է հավատարիմ մնալ իր առաքելադիր կոչմանը, ազգային ինքնության ձեւավորման ու վերանորոգման եւ ազգի հոգեւոր-բարոյական առաջընթացի գաղափարներին, լինել Ճշմարտության, Լույսի, Սիրո, Խաղաղության ու Միասնության Խորհուրդ, փորձել մերժել կեղծիքը, անօրինությունը, անմիաբանությունը, գտնվել իր հովված ժողովրդի ազգային-ազատագրական պայքարի բովում ոչ միայն աղոթքներով, այլեւ սպասավորների անմիջական մասնակցությամբ:

Հայոց Եկեղեցին իր այս առաքելությունը կարողացել է իրականացնել միայն գահակալների եւ սպասավորների` քրիստոնեական հավատքին ճշմարիտ, ազգի հոգեկերպարին համապատասխանող արժանիքների, ազգային եկեղեցուն անմնացորդ, աննյութապաշտ, անանձնաշահ նվիրվածության չափաստիճաններով: Այսպիսի դեպքերում Հայոց Եկեղեցին պայծառորեն լուսավորել է Հայոց աշխարհը եւ իր հոտը:

Անդրադառնալով անցած վերջին հարյուրամյակի գահակալած երջանկահիշատակ Գեւորգ Ե, Խորեն Ա, Գեւորգ Զ, Վազգեն Ա, Գարեգին Ա Կաթողիկոսների կյանքին, նրանք ապրեցին ճշմարտապես` իրենց վիճակված ժամանակահատվածի անխուսափելի հասարակական-քաղաքական պարտադրանքները դիմագրավելով` ազգօգուտ եւ ժողովրդի հոգեւոր-բարոյական կերպարը անաղարտ պահելու մտահոգությամբ: Գեւորգ Ե-ն հիշատակվում է «Ողբացյալ», Խորեն Ա-ն` «Նահատակ», Գեւորգ Զ-ն` «Վերահիմնող», Վազգեն Ա-ն` «Եկեղեցաշեն», իսկ Գարեգին Ա-ն Նորանկախացյալ Հայաստանում` «Հոգեշինարար»:

Բայց այսօր Հայոց Եկեղեցու պայծառատու լույսը խավարում է:

Գարեգին Բ Կաթողիկոսը լծվել է իշխանապահ անձանց կառքին, Հայ Առաքելական Եկեղեցին դարձրել քաղաքական իշխանության կցորդ եւ Կաթողիկոսական ինքնիշխանությունը իջեցրել կառավարության վարչության պետի ստորակարգավիճակին:

Գարեգին Բ-ն խախտել է Հայաստանի Հանրապետության Սահմանադրությունը, ոտնահարել Հայ Առաքելական Եկեղեցու Բարձրադիր իրավունքը` անկախ գոյակցությունը, իր հավատացյալ հոտին հովվելու ինքնիշխանությունը, ինքը` որպես եկեղեցու առաջին սպասավոր, խոտորվել է քրիստոսադիր ճշմարիտ ուղուց, եկեղեցին օտարել իր տիրոջից` ժողովրդից:

Գարեգին Բ-ն ոտնահարել է ժողովրդավարության սկզբունքները, եկեղեցին վերածել է ընտրաքարոզչամեքենայի` վարչապետի համար, եւ ինքն ու եկեղեցու բարձրաստիճան սպասավորներից` իր անմիջական կառավարման ենթակա Արարատյան առաջնորդության Առաջնորդական փոխանորդ Տեր Նավասարդ հոգեւորականը կցվել են վարչապետ թեկնածուին առ ի ծառայություն:

Առավել եւս Գարեգին Բ-ն, անտեսելով ընտրության դեռեւս վիճարկվող արդյունքները, անժամանակ ողջունել է վարչապետին որպես ընտրված նախագահի եւ բարձրաստիճան հոգեւորականների ներկայացուցչությամբ այցելել է վարչապետին` իր հավատարմությունը հայտնելու եւ առ ի համբույր «աջոյն նորա»:

Գարեգին Բ-ն իր այս արարքով անցել է տարրական բարոյականության սահմանն անգամ եւ Հայ ժողովրդին հասցրել վիրավորանք:

Ուստի, մենք` Հայ Առաքելական Սուրբ Եկեղեցու հավատավոր անդամներս, մեր այս ստորագրությամբ հաստատորեն պահանջում ենք Գարեգին Բ-ի հրաժարումը Աստվածահիմն Լուսավորչի Սուրբ Գահից:

Հայ Առաքելական Սուրբ Եկեղեցու հավատավորներ

Հակոբ Ավետիսյան

Անահիտ Հովհաննիսյան

Պարգեւ Բալջյան

շաբաթ, 4 հուլիս 2009

Պահանջում ենք հրաժարվել

14:59 Yerevan | 10:59 GMT | Thursday 28 February 2008

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Քաղաքական

Լեգիտիմությունն է գտնում տիրոջը

Աշխարհ

Մերձավոր Արեւելքը` շարժման մեջ