Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Zugzwang

14:49 Yerevan | 10:49 GMT | Tuesday 26 February 2008

Թողություն տուր Տեր ծեր խավարին, Միայն թե թող նա թողնի հեռանա... Պարույր Սեւակ

Հայերեն տառերով` ցուգցվանգ, որն առաջացել է Zug` քայլ եւ Zwang` պարտադրանք բառերից եւ նշանակում է ստիպված, պարտադրված եւ անշահավետ շախմատային քայլ: Երբեմն շախմատի խաղատախտակին ստեղծվում է մի իրավիճակ, երբ քայլ անելու հերթը քոնն է` դու պարտավոր ես անել ինչ-որ քայլ, բայց ցանկացած արվելիք քայլ ավելի ու ավելի է վատացնում քո խաղային դիրքն ու ընդհանուր վիճակը:

Ահա հենց այս իրավիճակում է, իր մեղքով, հայտնվել ներկայիս իշխանությունը:

Իսկ «իր մեղքը» ինքնատիպ մտածելու եւ գործելու անկարողությունն է, անհատականության իսպառ բացակայությունը, իրադարձությունները ոչ թե գլխավորելու կամ էլ, գոնե, ուղղորդելու, այլ դրանց ետեւից քարշ գալով գնալու փաստը:

Ու հենց դրանով էլ հայտնվել է ցուգցվանգի իրավիճակում:

Ի՞նչ քայլեր են մնացել, որ դեռ չի արել եւ պատրաստվում է անել իշխանությունը:

...Լավ, չնշեմ: Ասենք միայն, որ այն, ինչ արել են մինչ օրս, եւ որոնք հասցրել են նրանց ցուգցվանգի այս վիճակին, եւ բոլոր այն քայլերը, որոնք իրենց կարծիքով կան եւ իրենք կարող են անել` ավելի են վատթարացնելու իրենց վիճակը:

Սա այն դեպքն է, ի դեպ, որ ի պատիվ իշխանությունների, կարող է փաստել, որ իրենք էլ են հասկանում իրենց վիճակի անելանելիությունը: Թեեւ` ոչ էնքան խորքով: Այլապես գոնե ծիծաղելի քայլեր չէին անի: Ինչ է նշանակում իշխանության կողմնակիցների միտինգ անելը, թե մենք պաշտպանում ենք նրա ձայները: Է~, իսկ ինչ է եղել նրա ձայներին, որ պաշտպանում եք: Ի՞նչն եք պաշտպանում: Ումի՞ց:

Դա հաղթողի մտածելակերպ-պահվածք-հոգեբանություն չէ, այլ ՊԱՐՏՎՈՂԻ:

Հաղթողը Ազատության հրապարակում է եւ ոչ մեկ դեմքով միայն` Լեւոն Տեր-Պետրոսյանի, այլեւ իր աջակիցների եւ համախոհների: Ովքեր հարյուր հազարներով են հաշվվում:

Ու այդտեղով էլ` Ազատության հրապարակով էլ անցնում է ջրբաժանը. հաղթածի եւ պարտվածի, ժողովրդի եւ զավթիչների, սիրո եւ ատելության միջեւ:

Հաղթածը` Ազատության հրապարակում է, ժողովուրդը` Ազատության հրապարակում է, սերը` Ազատության հրապարակում է:

Ու դրանցից ամենակարեւորն, անշուշտ, ՍԵՐՆ է:

Սերը` առ էս երկիրն ու ժողովուրդը:

Որը եւ համախմբել է բոլոր նորմալ մարդկանց:

Իսկ իշխանությունը հայտնվել է ցուգցվանգի մեջ:

...Քայլդ արա, քայլդ...

Որոնում

Արխիվ

Վերլուծական

Երկնքից երեք խնձոր կորավ

Եվս մեկ տարի է անցնում մեր անկախ պետականության պատմությունից, եւ այդ տարին, թերեւս, ամենից ցնցումնառատ տարին էր:

Քաղաքական

Մտովի նրանց կենացը կխմենք...

Մի քանի օրից այլեւս անցյալ կդառնա Հայաստանի ու հայաստանցիներիս համար լավ ու վատ, ուրախ ու տխուր իրադարձություններով...

Աշխարհ

Փափկամազիկ ժողովրդավարություն

2002թ.-ին ԱՄՆ-ում ահաբեկչական հարձակումներից հետո, նավթային Shell ընկերությունն ու Economist ամսագիրը...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.