Վերջնականապես հստակված ջրբաժան

13:42 Yerevan | 9:42 GMT | Friday 22 February 2008

Ժողովուրդ - իշխանությունը բռնազավթածներ: Ժողովրդավարական արժեքներ - ավտորիտարիզմ:

Քրիստոնեական արժեհամակարգ - խուլիգանապետություն:

Արժանապատվություն - նվաստացում:

Ազնվություն եւ անկեղծություն - լկտի եւ բացարձակ սուտ:

Վերամիավորում քաղաքակիրթ աշխարհին - իզգոյացում:

Լույս - խավար:

Ահա հիմնականում այն սահմանները, որով անցնում է այսօր ջրբաժանը Հայաստանում: Եվ, ինչպես եւ կանխատեսվել էր ու` վաղուց, ընտրությունը սպիտակի եւ սեւի միջեւ է:

Եվ ընտրությունն այդ որեւէ առնչություն չունի ոչ նախագահի ընտրության հետ, ոչ քվեաթերթիկների եւ ոչ էլ քվեատուփերի հետ:

Որովհետեւ այս ընտրությունը, որն առավել կարեւոր է` մարդ արարածի ներսում է տեղի ունենալու: Եվ դա է վերջնական, կարեւոր, անբեկանելի:

...Սրանից 20 տարի առաջ մի ողջ հանրապետություն, մի ողջ ժողովուրդ ոտքի կանգնեց պատմական անարդարությունը շտկելու վճռականությամբ:

Ու` հաջողեց:

Այդ ժամանակ վերը նշված ջրբաժանը չկար: Կամ էլ` շատ էր աներեւույթ, թաքնված սովորական աչքից:

Միակամություն կար, եւ այդ միակամությանը հակառակներն անգամ, արտաքնապես գոնե, ցույց չէին տալիս իրենց անհամաձայնությունը:

Մթնոլորտն էր այլ: Ազատության մթնոլորտում մարդիկ իրենց ստրկամտությունը գերադասում են չբացահայտել:

Ոչ, ոչ թե վախից:

Ամոթից:

Ու այդ ամոթը ստիպում էր, որ նրանց մեջ եւս արժանապատվությունն արթնանար ու աճեր:

Ու դրա շնորհիվ միայն Շարժումն իրոք համազգային ու համաժողովրդական դարձավ:

Այսօր էլ է նույն հրամայականը մեր առջեւ. արժանապատվությունը վերագտնելու:

Իր արժանապատվությունը վերագտած կամ էլ, գոնե, վերագտնել փորձող ցանկացածի ընտրությունը ջրբաժանի լուսավոր կողմն է լինելու:

Որովհետեւ անպատվաբեր, ամոթալի ու անմարդկային է, ենթադրենք, խուլիգանապետությունը ժողովրդապետությունից գերադասելը:

1988-ն ու 2008-ը երեք հիմնական ընդհանրություն ունեն. երկուսն էլ համաժողովրդական, համազգային բնույթ ունեն, երկուսն էլ Շարժում են հանուն գաղափարի եւ ծնկած մարդու ոտքի կանգնելու, եւ, վերջապես, երկուսն էլ ղեկավարում է Լեւոն Տեր-Պետրոսյանը, ով մեր անկախ պետականության բոլոր հաղթանակների ճարտարապետն է:

Համարի չորրորդ էջը առանց մեկնաբանությունների, սակայն, համոզված եմ, դրանով իսկ` առավել պերճախոս, ի ցույց է դնում 1988-ի եւ 2008-ի նմանությունները:

Ուշադիր նայեք լուսանկարները...

88-ի մասնակիցներն ու ականատեսները մեկ անգամ եւս կվերապրեն իրենց երիտասարդությունը ու այն հաղթանակների բերկրանքը, որոնք զգում էինք ամեն անգամ` կաթիլ առ կաթիլ մեզնից դուրս մղելով ոչ արժանապատիվը, ոչ մարդկայինը, նեղ անձնականը:

Այսօրվա երիտասարդներն էլ կզգան, որ այսօրվա հաղթանակներն իրենց նախատիպերն ունեն:

...Պահն է, երբ յուրաքանչյուրն իսկապես ընտրության առջեւ է կանգնած ու ինքն է ընտրելու ժողովրդին կամ ավազակներին:

Ու պատասխան է տալու ըստ իր ընտրության:

Թե այստեղ եւ թե ՎԵՐԸ:

հինգշաբթի, 20 դեկտեմբեր 2008

Վերջնականապես հստակված ջրբաժան

13:42 Yerevan | 9:42 GMT | Friday 22 February 2008

Որոնում

Արխիվ

Վերլուծական

Որտեղի՞ց են ծանոթ նրանց դեմքերը

Քաղաքական

Վարչապետը սպառնալիք է ստեղծել լրագրողի համար

Աշխարհ

Գլոբալիզացիան շարունակվում է