Նամակ մեղրամիսի մեջ գտնվող Նիկոլա Սարկոզիին

13:27 Yerevan | 9:27 GMT | Friday 22 February 2008

Հ.Մ.

Երեկ «Գերագույն խորհուրդ պատգամավորական ակումբ» հ/կ-ի նախագահ, Լեւոն Տեր-Պետրոսյանի նախընտրական շտաբի մոնիտորինգի խմբի համակարգող Ռուբեն Թորոսյանը հաղորդագրություն է տարածել, որում օգտակար առաջարկություն է անում Ֆրանսիայի նախագահ Նիկոլա Սարկոզիին:

Հիշեցնենք, որ վերջինս առաջինը շտապեց շնորհավորել Սերժ Սարգսյանին ՀՀ նախագահ ընտրվելու կապակցությամբ` հավանաբար այն պատճառով, որ Սարկոզին սիրահարվել ու կորցրել է գլուխը: Հաղորդագրության մեջ ասված է. «Մեծարգո Պարոն նախագահ, ՀՀ օրենսդրության պահանջների համաձայն` միայն Հայաստանի ԿԸՀ-ն իրավունք ունի հրապարակել ընտրությունների նախնական արդյունքները: Զանգվածային օրինախախտումներով անցած ընտրությունների արդյունքում իբր հաղթած թեկնածուին ուղղված Ձեր վաղաժամ շնորհավորանքը, ոչ միայն խախտեց մեր երկրի օրենսդրությունը, այլեւ գնահատվում է որպես միջամտություն մեր երկրի ներքին գործերին: Մեծարգո Պարոն նախագահ, մենք միասին հանդիսանում ենք «Եվրոպական» կոչվող խորհրդի անդամ երկրների քաղաքացիներ եւ պարտավոր ենք պահպանել մարդու իրավունքների պաշտպանությանն ուղղված մեր երկրների պարտավորությունները: Ավելին` Դուք երկիր եք ներկայացնում եւ առավել պատասխանատվություն պետք է դրսեւորեք այդ հարցերում: Հավանաբար, միջազգային նորմերին չհամապատասխանող Ձեր գործողությունների պատճառն այն է, որ գտնվում եք մեղրամիսում: Չնայած մեր երկրում կան մարդիկ, որոնք կարծես մեղրամիսում չեն, սակայն Ձեզանից ավելի վաղ են ոտնատակ տվել մեր երկրի օրենսդրությունը», - ասված է Թորոսյանի` «Առաջարկություն Երկրի Նախագահի եւ մեղրամիսի մասին» վերնագրված նամակում, որի պատճենները ուղարկվել են նաեւ ԵԽ անդամ երկրների դեսպաններին:

Որոնում

Արխիվ

Վերլուծական

Երկնքից երեք խնձոր կորավ

Եվս մեկ տարի է անցնում մեր անկախ պետականության պատմությունից, եւ այդ տարին, թերեւս, ամենից ցնցումնառատ տարին էր:

Քաղաքական

Մտովի նրանց կենացը կխմենք...

Մի քանի օրից այլեւս անցյալ կդառնա Հայաստանի ու հայաստանցիներիս համար լավ ու վատ, ուրախ ու տխուր իրադարձություններով...

Աշխարհ

Փափկամազիկ ժողովրդավարություն

2002թ.-ին ԱՄՆ-ում ահաբեկչական հարձակումներից հետո, նավթային Shell ընկերությունն ու Economist ամսագիրը...

Reproduction in whole or in part without permission is prohibited.