Երեկ ավազակապետության վերջին օրն էր

13:48 Yerevan | 9:48 GMT | Wednesday 20 February 2008

Այսօր` հպարտ, ազատ եւ արդար Հայաստանի առաջին օրը Իրապես այդպես է:

Որովհետեւ երեկվա օրը, իրականում, նման էր ավազակապետության հոգեվարքի վերջին, բայցեւ` անխուսափելի ցնցումներին:

Բռնություններ, կեղծիքներ, լցոնումներ. եւ էլի իրենց պատկերացրածով ժողովրդի կամքի առաջն առնելու փորձեր, որոնք բոլորն էլ դատապարտված են ձախողման:

Որովհետեւ ժողովուրդը հստակորեն հասկացել էր, որ հազիվ ավազակապետությունից ազատվելու իրական հնարավորություն է ստեղծվել եւ ինքը իրավունք չունի բաց թողնելու այդ բարեպատեհ հնարավորությունը:

Եվ որքան էլ ավազակապետերը փորձեցին, իրենց իսկ խոսքերով, «հարամել» ընտրությունները, միեւնույն է, ժողովուրդը կատարեց իր ընտրությունը:

Եվ` հօգուտ իրեն: Ընտրելով Լեւոն Տեր-Պետրոսյանին:

Այդ են վկայում թեկուզեւ էքզիթ-փոլ անցկացրած տարբեր կազմակերպությունների հարցումների արդյունքները: Որոնք էապես տարբերվում են իշխանությունների պատվերով անցկացվածներից: Եվ, բնականաբար, համապատասխանում են իրականությանը:

Այնպես որ, երեկվա օրն իսկապես ավազակապետության վերջին օրն էր:

Մինչ հպարտ, ազատ եւ արդար Հայաստանի առաջին օրվա օրակարգին անցնելը, երկու ինքնախոստովանության մասին. ըստ ժամանակագրության` Արտաշես Գեղամյանը առաջին անգամ երեւի թե ազնիվ արարք գործեց` հայտարարելով, որ ութը (ավազակապետությունից) միավորվել են մեկի` ժողովրդի թեկնածուի դեմ:

Եվ մի ցնցող բացահայտում էլ հանրապետության դե ֆակտո երկրորդ դեմքն արեց. առաջիկա...20 տարվա հետ կապված: Կարծես թե էս 5 տարին արդեն հորով-մորով են արել, հիմա էլ առաջիկա 15-20-ի մասին են մտածում:

Որքան շահեկան կլիներ մեր բոլորիս վիճակը, եթե նախ մտածեինք, հետո միայն բարձրաձայն արտահայտվեինք:

Բայց Աստված իրենց հետ...

Հիմա` այսօրվա մասին, որն ինչպես արդեն նշեցի` հպարտ, ազատ եւ արդար Հայաստանի առաջին օրն է լինելու:

Յուրաքանչյուրն ինքը պետք է որոշի այդ օրվա իր օրակարգը, անշուշտ: Սակայն կա մեկ ընդհանուր օրակարգ, որը պարտադիր է յուրաքանչյուրիս համար: Յուրաքանչյուր նորմալ մարդու համար: Յուրաքանչյուր ազատ մարդու համար: Դա անշուշտ պայքարն է` հանուն արժանապատվության:

Հաղթանակն աներկբա է: Պարզապես այն ամրագրել եւ պահպանել է պետք: Ու ոչ մեկը դա չի անի եւ ոչ մեկի փոխարեն:

Յուրաքանչյուրն ինքը պետք է պահպանի եւ ամրապնդի իր հաղթանակը:

Ոչ ասելով ավազակապետությանը:

Ոչ ասելով ավազակապետերին:

Ոչ ասելով օրվա անարժանապատիվ կենսակերպին:

շաբաթ, 4 հուլիս 2009

Երեկ ավազակապետության վերջին օրն էր

13:48 Yerevan | 9:48 GMT | Wednesday 20 February 2008

Որոնում

Արխիվ

Վերլուծական

Հնարավորությունների բացված դուռն ու քանդված մենաշնորհը

Քաղաքական

Լեգիտիմությունն է գտնում տիրոջը

Աշխարհ

Մերձավոր Արեւելքը` շարժման մեջ