Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Ռիչարդ Կիրակոսյան. «ՀՀ նախագահի ընտրությունները անհավասար պայքար են»

12:59 Yerevan | 8:59 GMT | Saturday 9 February 2008

«Երբ ինձ հարցնում են, թե՞ փետրվարի 19-ի ընտրությունները լինելու են ազատ եւ արդար, ես պատասխանում եմ` թեկնածուների համար ի սկզբանե արդեն հավասար պայմաններ չկան, սա անհավասար պայքար է», - այսօր «Ա1+»-ի հետ զրույցում ասել է ամերիկահայ քաղաքագետ Ռիչարդ Կիրակոսյանը:

Նրա կարծիքով՝ մրցակցության պայմանների հավասարակշռությունը Հայաստանում խախտված է իշխանական թեկնածուի օգտին: Նա մտահոգիչ է համարել ոչ թե իշխանության թեկնածուի այն առավելությունները, որոնք նա ունի ի պաշտոնե, այլ լրատվամիջոցների գործունեությունը քարոզարշավի ընթացքում, որոնք օբյեկտիվ եւ հավասարապես չեն լուսաբանում թեկնածուների քարոզարշավը: Կիրակոսյանի կարծիքով՝ ԶԼՄ-ների հարցում ՀՀ իշխանությունները հետեւում են ՌԴ իշխանությունների օրինակին` ընտրություններից առաջ եթերազրկում կամ փակում են անկախ ԶԼՄ-ները. «Հենց այդ նպատակով էլ Հայաստանում եթերազրկվեց «Ա1+» հեռուստաընկերությունը: Իշխանությունները չեն ընդունում, որ առողջ եւ ազատ ԶԼՄ-ները վտանգ չեն ներկայացում երկրին, ճիշտ հակառակը` երկրի ուժն են»:

Քաղաքագետը գտնում է, որ Տեր-Պետրոսյանից հետո ներկայիս իշխանությունները որեւէ հաջողություն չեն արձանագրել ԼՂ հարցում եւ առանձնապես փոփոխություն չկա գործընթացում` չհաշված, որ Տեր-Պետրոսյանի օրոք խոսք էր գնում ազատագրված 3 տարածքների, իսկ այսօր արդեն 7 տարածքների մասին: «Այսօր Հայաստանի եւ Ադրբեջանի միջեւ գործնականում ԼՂ հարցում չկան բանակցություններ: Կողմերը համաձայնության չեն գալիս առաջարկների շուրջ, չեն պատրաստվում որեւէ փաստաթուղթ ստորագրել», - ասել է Ռիչարդ Կիրակոսյանը: «Համանախագահները ուզում են, որ այդ մասին ոչ թե իրենք խոսեն, այլ կողմերը», -նշել է Կիրակոսյանը: «Ա1+»-ի հետ զրույցում Կիրակոսյանը անդրադարձել է նաեւ ժողովրդավարության ոլորտում Հայաստանից Եվրոպայի սպասելիքներին. «ՀՀ իշխանություններն այսօր անընդհատ խոսում են տնտեսական աճի մասին եւ դրանով փորձում ծածկել իրենց լեգիտիմությանը առնչվող խնդիրները, քանի որ բացի տնտեսական աճից, նրանք այլ բանի մասին այսօր չեն կարող խոսել»:

Որոնում

Արխիվ

Վերլուծական

Երկնքից երեք խնձոր կորավ

Եվս մեկ տարի է անցնում մեր անկախ պետականության պատմությունից, եւ այդ տարին, թերեւս, ամենից ցնցումնառատ տարին էր:

Քաղաքական

Մտովի նրանց կենացը կխմենք...

Մի քանի օրից այլեւս անցյալ կդառնա Հայաստանի ու հայաստանցիներիս համար լավ ու վատ, ուրախ ու տխուր իրադարձություններով...

Աշխարհ

Փափկամազիկ ժողովրդավարություն

2002թ.-ին ԱՄՆ-ում ահաբեկչական հարձակումներից հետո, նավթային Shell ընկերությունն ու Economist ամսագիրը...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.