«ԱրմենՏելի» ու Ղազարյանի աչքը լույս

16:29 Yerevan | 12:29 GMT | Saturday 26 January 2008

Է. Մ.

«Ռոյալ-Արմենիա» ընկերության բաժնետեր Գագիկ Հակոբյանին եւ նախկին տնօրեն Արամ Ղազարյանին համապատասխանաբար 6 եւ 2 տարվա ազատազրկման դատապարտած դատավոր Սուրիկ Ղազարյանին, ով արդեն տեղափոխվել է Քանաքեռ-Զեյթուն համայնքների ընդհանուր իրավասության դատարան, շատ «յուղոտ» հայցեր են բաժին ընկել:

Նա լսելու է «ԱրմենՏելի» հայցերն ընդդեմ քաղաքացիների: Ընդ որում` «ԱրմենՏելը» քաղաքացիների հետ փոխհարաբերություններում մի շատ նյարդայնացնող գործելաոճ ունի. բաժանորդի առաջին իսկ պահանջի դեպքում խուսափում է նրան ներկայացնել տվյալ հեռախոսահամարից արված զանգերի վերաբերյալ վերծանման արձանագրությունը: Պատկերացրեք այսպիսի վիճակ. հեռախոսն անջատում են առանց զգուշացնելու, ուղեւորվում ես փոստային բաժանմունք, որ վարձավճարը մուծես, պարզվում է` պարտքերի մասին ցուցակը դեռ չի հասել այնտեղ: Երբ հարցնում ես` այդ դեպքում ինչու՞ եք անջատել, պատասխանում են, թե պարտքեր հայտնաբերելու դեպքում ռոբոտն է մեխանիկորեն անջատում: Եթե ուրբաթ օրն են անջատել, ստիպված ես լինում հեռախոսակապին սպասել եւս երկու օր մինչեւ «ԱրմենՏելում» պարզեն պարտքի չափը... ու հանկարծ ներկայացնում են սովորականից անհամեմատ բարձր մի թիվ: Եվ երբ պահանջում ես վերծանման արձանագրությունը, չեն տալիս, բայց ասում են` պետք է վճարես, որ միացնենք: Առավել եւս` երբ տանտերը մահացած է եւ դեռ բնակարանն ու հեռախոսահամարը անվանափոխված չեն: Պահանջում են ներկայացնել տեղեկանք, թե ովքեր են գրանցված նշված հասցեում, համաձայնագիր` ընտանիքի չափահաս անդամներից, որ համաձայն են տվյալ հեռախոսահամարը լինի կոնկրետ անձի անվամբ, ինչը պետք է կնքված լինի համատիրության կողմից, եւ եթե վճարեք նաեւ 500 դրամ, հավանաբար ու վերջապես, կստանաք «անհասանելի» վերծանման թուղթը, որպեսզի կարողանաք պարզել` ձեր հեռախոսահամարից իրո՞ք կլորիկ գումարին համարժեք զանգեր արվե՞լ են, թե՞ ոչ: Հիշեցնենք, որ սովորական են դարձել դեպքերը, երբ «ԱրմենՏելի» բաժանորդը հանկարծ պարզել է, որ իր հեռախոսահամարից ինչ-որ զանգեր են կատարվել մարդկությանն անհայտ մի ինչ-որ կղզի, բայց բաժանորդը ստիպված է եղել վճարել հսկայական գումարը, որովհետեւ հեռախոսակապն անհրաժեշտ է ու նյարդերն էլ դեռ պահպանել է պետք: Այնպես որ, Սուրիկ Ղազարյանի եւ «ԱրմենՏելի» աչքը լույս...

Որոնում

Խմբագրի ընտրանին

Վերլուծական

Մի ձեռքով երկու ձմերո՞ւկ, թե՞ մի զարկով երկու նապաստակ

ԱԺ «Ժառանգություն» խմբակցությունը երեկ տարածել է հաղորդագրություն, որի համաձայն...

Քաղաքական

Մնաց իր արձանը բացի

Վերջերս Սերժ Սարգսյանի մոտ նոր հակումներ են առաջացել: Երկրի ղեկավարի պաշտոնը զբաղեցնող անձնավորությունն սկսել է...

Աշխարհ

Յոթ երգ` ութ բանի մասին

Արժույթի միջազգային հիմնադրամի առաքելության ղեկավար Մարկ Լյուիսը երեկ, փաստորեն, արդարացրել է Հայաստանի...

Արխիվ

Reproduction in whole or in part without permission is prohibited.