Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Նորից Դալմայի այգիների մասին

13:58 Yerevan | 9:58 GMT | Wednesday 23 January 2008

Գագիկ Աբգարյան

Երեկ Դալմայի այգիների նախկին հողատերերի մի պատվիրակություն էր եկել մեր թերթի խմբագրություն:

Այցի նպատակը նրանք այսպես բացատրեցին. «Անցած հինգշաբթի օրը, երբ մենք գնացել էինք կառավարություն, խնդրել էինք, որ գեթ մեկ անգամ մեզ անձամբ վարչապետը ընդունի, իրազեկ դառնա մեր դարդ ու ցավին: Բայց քանի որ վարչապետին հասցեագրված բաց նամակին էլ որեւէ պատասխան չստացանք, ստիպված ենք նորից փորձել մամուլի միջոցով շարունակել ոչ մի կերպ չստացվող մեր երկխոսությունը»: Նրանք եկել էին մեր միջոցով վարչապետին տեղեկացնելու, որ իրենց հողակտորներում անօրինական սեփականատերերը շարունակում են շինարարական աշխատանքները, չնայած իրենց գրած բաց նամակին դեռ վարչապետը որեւէ դրական կամ բացասական վերաբերմունք ցույց չի տվել. «Վարչապետին գրած մեր դիմումից հետո մարդիկ շարունակում են իրենց գործը»: Հիշեցնենք, որ խոսքը գնում է օրերս Դալմայի այգիներում, Լենինգրադյան փողոցի կողմից, ծառերի նոր կոտորածի մասին: Մեկ օրվա ընթացքում կտրվել են տասնյակ ծառեր: Բանն այն է, որ քաղաքապետարանը աճուրդով վաճառել է Սուսաննա Ներսիսյանին ու էլի երկու հողօգտագործողների պատկանող հողակտորները եւ նորահայտ սեփականատերերը սկսել են իրենց շինարարական աշխատանքները: Եվ սա այն դեպքում, որ Ս.Ներսիսյանին պատկանող հողակտորի վրա եղել է դատական արգելանք, բայց անգամ դա չի խանգարել քաղաքապետարանին վաճառել այն: Նրանց պնդմամբ` հողագործների արդար բողոքը շրջանցելու նոր մարտավարություն են որդեգրել իշխանությունները. «Աճուրդով հողակտոր գնած բոլոր սեփականատերերը վերավաճառում, ավելի ճիշտ վերագրանցում են իրենց ձեռք բերած հողը, այդպիսով թաքնվելով բարեխիղճ գնորդի անվան տակ», - ասում է Ս.Ներսիսյանը: Ըստ նրանց, այս քայլով քաղաքապետարանը իր ձեռքերը լվանում, քաշվում է մի կողմ` իրար դեմ հանելով օրինական հողօգտագործողներին ու անօրինական գնորդներին: «Երբ նրանց հետ խոսում ենք, նրանք հանում են սեփականության վկայականները եւ ասում, որ մենք ձեր հանդեպ որեւէ պարտավորություն չունենք: Մենք այս հողը գնել ենք», - նշում էին մեր այցելուները:

Որոնում

Արխիվ

Վերլուծական

Խաբեության մեխանիկան կամ Եվրոպայի ճակատագիրը Հայաստանում

Անցնող շաբաթ, Հայաստանի Ազգային ժողովում տեղի ունեցավ բավական հետաքրքիր մի հանդիպում:

Քաղաքական

Երեւան: 9 մայիսի: «Հաղթանակի» զբոսայգի

Վերադարձ: Այս բառի մեջ ամեն ինչ կա: Եվ ապաշխարանք: Եվ պայքար: Եվ հաղթանակ:

Աշխարհ

Տիգրան Կարապետիչը միշտ դեպի բարին է շրջված

Երեկ` Հաղթանակի ու Շուշիի ազատագրման օրը, «Տեսակետ» ակումբի հյուրը «Ժողովրդական կուսակցության» ղեկավար...

Գլխավոր էջ Լրահոս Քաղաքական Արտաքին քաղաքական Աշխարհ Վերլուծական Տնտեսություն Հասարակություն Սպորտ Մշակույթ Ընտրություններ

Copyright © 2004-2007 — Zhamanak Armenian-American political information-analytical center. All rights reserved.

Reproduction in whole or in part without permission is prohibited.